Umutoza wa Rayon Sports,Yamen Zelfani ashobora gukora impinduka 2 mu mukino iyi kipe ihanganamo na Al Hilal Benghazi mu mukino wo kwishyura wo gushaka itike yo kwerekeza mu matsinda ya CAF Confederation Cup.

Ugereranyije n’abakinnyi babanjemo mu mukino ubanza amakipe yanganyijemo igitego 1-1,Mvuyekure Emmanuel na Musa Esenu bashobora kuvamo hakinjiramo Eid Mugadam Abakar Mugadam na Charles Baale.

Ni mu gihe kandi n’umunyezamu Hakizimana Adolphe wavuye mu kibuga yavunitse na we nta gihindutse ubanza mu kibuga.

Abakinnyi 11 Rayon Sports ishobora kubanza mu kibuga:

Umunyezamu:Hakizimana Adolphe,

Ba myugariro:Serumogo Ali, Ganijuru Elie, Rwatubyaye Abdul, Mitima Isaac.

Abakinnyi bo hagati: Aruna Moussa Madjaliwa, Héritier Nzinga Luvumbu, Joackiam Ojera, Eid Mugadam Abakar Mugadam.

Rutahizamu: Charles Baale

Rayon Sports irakira Al-Hilal mu mukino wo kwishyura wa CAF Confederation Cup kuri uyu wa Gatandatu, tariki 30 Nzeri, saa Kumi n’Ebyiri. Mu mukino ubanza amakipe yombi yanganyije igitego 1-1 tariki 24 Nzeri 2023.