skol
Kigali

Abakunzi ba Premier League batunguwe n’ikipe y’umwaka itarimo kizigenza wigaragaje cyane

Imyidagaduro   Yanditswe na: Dusingizimana Remy 10 June 2022

Ikipe y’umwaka y’abakinnyi ba Premier League yatangajwe yiganjemo abakinnyi ba Liverpool itaratwaye igikombe gusa benshi batunguwe n’ukuntu habuzemo umunya Koreya y’Epfo w’Umuhanga cyane Heung Min Son.

Reds ya Jurgen Klopp yagize igihombo gikomeye ku munsi wa nyuma wa shampiyona ya 2021-22,aho yari itegereje ko City itsindwa ariko bikarangira yigaranzuye Aston Villa mu minota mike, yegukana igikombe irusha Liverpool inota rimwe.

Heung-Min Son yarangije shampiyona atsinze ibitego byinshi muri Premier League aho yanganyije na Mohamed Salah 23 gusa we afite umwihariko kuko atateye penaliti n’imwe.Yanatanze imipira 7 yavuyemo ibitego.

Son wababaje benshi,ntabwo yatoranijwe mu bakinnyi 6 bakwiriye kuvamo umwe witwaye neza kurusha abandi nta nubwo ari mu bakinnyi beza bitwaye neza muri shampiyona ishize.

Benshi mu bakunzi ba ruhago kuri Twitter bagaragaje ko bitumvikana ukuntu uyu mukinnyi yirengagizwa bigeze aha aho bamwe bemeje ko harimo ikibazo cy’ivangura.

Umwe mu bafana bakoresheje uru rubuga yagize ati"Ibihembo bya PFA bitangwa hagendeye ku marangamutima.Niba atari byo, bagomba kutubwira impamvu Son atari mu ikipe y’umwaka."

Undi mufana yagize ati: "Kuba Son atari muri iyi kipe y’umwaka ni icyaha."

Undi yongeyeho ati: ’Ronaldo na Mane hejuru ya Son?’, Mu gihe undi mufana umwe yabajije ati: ’Son ari he?’

Benshi bemeje ko Son ari ’’ umwe mu bakinnyi badahabwa agaciro ’muri Premier League nyuma yo kudashyirwa mu Ikipe y’umwaka.

Abandi barinubira ukuntu umukinnyi wo hagati wa Manchester City Rodri atatoranijwe, ahubwo agasimbuzwa Thiago Alcantara wa Liverpool.

Benshi baremeza ko kuba Son yakuwe muri iyi kipe hagashyirwamo Sadio Mane ari ugutonesha kw’ibi bihembo bya PFA.

Abandi bavuze ko iyo Son aba ari umwongereza ahubwo yari guhabwa igihembo cy’umukinnyi w’umwaka cyegukanwe na Mohamed Salah mu gihe Phil Foden yahembwe nk’ukiri muto mwiza atsinze abarimo Bukayo Saka wamuruhije imibare mu mwaka w’imikino ushize.



Ikipe y’umwaka ya PL yabuzemo Son witwaye neza bibabaza benshi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rayon Sports yanyagiye Police FC y’abakinnyi 10 yegukana umwanya wa 3 mu...

Rayon Sports yagaruye mu myitozo abakinnyi bayo bigoranye mu minsi ishize,...
27 June 2022 0

Rayon Sports yasinyishije myugariro Kiyovu Sports yagenderagaho

Myugariro Eric Ngendahimana wari ngenderwaho muri Ķiyovu SC yasinye...
27 June 2022 0

Hamenyekanye akayabo Sadio Mane agiye kuzajya ahembwa muri Bayern...

Umushahara wa Sadio Mane muri Bayern Munich,uramugira umwe mu bakinnyi...
27 June 2022 0

Abanyamahanga 2 nibo banze gutera umugongo Rayon Sports ku mukino wa Police...

Abakinnyi 2 barimo Nizigiyimana Karim Mackenzie na Essenu Musa nibo...
27 June 2022 0

Erling Haaland yaciye ibintu kubera ibyo yakoreye abana bato ku...

Rutahizamu wa Manchester City,Erling Haaland,yafashwe amashusho ari gukina...
27 June 2022 0

Umweyo uravuza ubuhuha muri Musanze FC imaze kurekura abakinnyi...

Amakuru ari kuvugwa cyane mu ikipe ya Musanze ni uko iyi kipe ifite...
27 June 2022 0