Abafana ba Iran mbere yo guhura n’Ubwongereza mu mukino ubanza wo mu itsinda B ry’Igikombe cy’isi muri Qatar,bagaragaye bafite ibyapa byibasira myugariro Harry Maguire.
Aba bafana benshi bari bafite ibyanditseho ngo "Harry Maguire kugarira kwawe guteye inkeke" abandi ngo "Igikombe ntikizataha mu rugo kubera Harry Maguire."
Ibi byose babikoze mu rwego rwo kwica mu mutwe uyu mukinnyi umaze igihe kinini yitwara nabi mu bwugarizi bwa Manchester United byatumye iyi kipe igura Lisandro (…)

Abafana ba Iran mbere yo guhura n’Ubwongereza mu mukino ubanza wo mu itsinda B ry’Igikombe cy’isi muri Qatar,bagaragaye bafite ibyapa byibasira myugariro Harry Maguire.

Aba bafana benshi bari bafite ibyanditseho ngo "Harry Maguire kugarira kwawe guteye inkeke" abandi ngo "Igikombe ntikizataha mu rugo kubera Harry Maguire."

Ibi byose babikoze mu rwego rwo kwica mu mutwe uyu mukinnyi umaze igihe kinini yitwara nabi mu bwugarizi bwa Manchester United byatumye iyi kipe igura Lisandro Martinez ndetse imushyira hanze.

Ubwongereza bwageze muri 1/2 mu gikombe cy’isi giheruka,butegerejwe na benshi mu bakunzi ba ruhago uyu mwaka kuko bufite abakinnyi hafi ya bose bakina muri Premier League ikunzwe kurusha izindi ku isi.

Ubwongereza bugiye gukina na Iran budafite Maddison utaritoza na rimwe muri Qatar kuko yagize ikibazo cy’ivi yakuye mu mukino wa Leicester mu mpera zicyumweru gishize, mu gihe myugariro Walker na we agikora ibishoboka byose ngo agaruke neza nyuma yo kubagwa mu minsi ishize.

Mu mukino wa mbere umutoza w’Ubwongereza yagiriye icyizere uyu Maguire wibasiwe n’abafana aho akinana mu mutima w’Ubwugarizi na John Stones.

Ubwongereza na Iran bari mu itsinda rimwe na Wales na USA

Ababanje mu kibuga ku mpande zombi:

Ubwongereza XI: Jordan Pickford, John Stones, Harry Maguire, Kieran Trippier, Declan Rice, Jude Bellingham, Mason Mount, Luke Shaw, Bukayo Saka, Harry Kane, Raheem Sterling

Irani XI: Alireza Beiranvand, Sadegh Moharrami, Ehsan Hajsafi, Milad Mohammadi, Alireza Jahanbakhsh, Morteza Pouraliganji, Mehdi Taremi, Rouzbeh Cheshmi, Ali Karimi, Majid Hosseini, Ahmad Nourollahi