Abafana b’Ubwongereza basanzwe bazwiho imyitwarire igayitse ku bibuga aho bamwe bakunda kunywa bagasinda,baraye mu nzoga ndetse baranazirirwamo mu rwego rwo kwitegura umukino wa nyuma wa Euro 2020 urabahuza n’Ubutaliyani.
Abongereza benshi bari kunywa agasembuye kugira ngo baze kujya ku kibuga Wembley bari mu kinya aho bashaka gufana ikipe yabo igahagarika imyaka 55 ishize batazi uko igikombe gisa.
Bamwe muri aba bafana baraye mu tubari bafashe amabendera y’Ubwongereza ari nako baririmba (...)

Sponsored Ad

Abafana b’Ubwongereza basanzwe bazwiho imyitwarire igayitse ku bibuga aho bamwe bakunda kunywa bagasinda,baraye mu nzoga ndetse baranazirirwamo mu rwego rwo kwitegura umukino wa nyuma wa Euro 2020 urabahuza n’Ubutaliyani.

Abongereza benshi bari kunywa agasembuye kugira ngo baze kujya ku kibuga Wembley bari mu kinya aho bashaka gufana ikipe yabo igahagarika imyaka 55 ishize batazi uko igikombe gisa.

Bamwe muri aba bafana baraye mu tubari bafashe amabendera y’Ubwongereza ari nako baririmba indirimbo yitwa “it’s coming home”.

Mu mihanda yo mu mujyi wa Leicester,aba bafana bagaragaye bizihiwe cyane,agasembuye kabagezeho ndetse ngo niko bimeze no mu yindi ijyi irimo na London.

Nubwo Euro 2020 yasubitswe amezi 12 yose,Ubwongereza byabwungukiyemo bugera ku mukino wa nyuma ndetse buri hejuru kuko n’amakipe yabwo 2 yageze ku mukino wa nyuma wa Champions League.

Umwamikazi w’Ubwongereza nawe yandikiye ikipe y’igihugu ayisaba kugira ubushake nk’ubwo bagenzi babo bagize muri 1966 ubwo batsindaga Ubudage ibitego 4-2 ndetse avuga ko yamenye agaciro k’igikombe ubwo yagishyikirizaga Bobby Moore wari kapiteni.

Gareth Southgate yavuze ko abafana babatera imbaraga yaba ababa bari Wembley n’ababa bari hirya no hino mu gihugu.

Ati "Ntabwo ibi twri tubimenyereye."

Ubwongereza burakina n’Ubutaliyani saa tatu z’ijoro ku mukino wa nyuma wa Euro 2020.