Kuri uyu wa kane, guverinoma ya U.K yafatiriye imitungo wa nyir’ikipe y’umupira w’amaguru ya Chelsea, Roman Abramovich ukomoka mu gihugu cy’Uburusiyakubera ubushuti bukomeye afitanye na Perezida w’Uburusiya,Vladmir Putin uheruka gutera Ukraine.
Ni icyemezo cyafashwe mu rwego rwo gukomanyiriza abaherwe bose bafitanye umubano wa somambike na Perezida Putin ukomeje intambara mu Burusiya.
Kubera ibi bihano, Chelsea ntizemererwa kugurisha amatike, ibicuruzwa cyangwa kugura no kugurisha (…)

Kuri uyu wa kane, guverinoma ya U.K yafatiriye imitungo wa nyir’ikipe y’umupira w’amaguru ya Chelsea, Roman Abramovich ukomoka mu gihugu cy’Uburusiyakubera ubushuti bukomeye afitanye na Perezida w’Uburusiya,Vladmir Putin uheruka gutera Ukraine.

Ni icyemezo cyafashwe mu rwego rwo gukomanyiriza abaherwe bose bafitanye umubano wa somambike na Perezida Putin ukomeje intambara mu Burusiya.

Kubera ibi bihano, Chelsea ntizemererwa kugurisha amatike, ibicuruzwa cyangwa kugura no kugurisha abakinnyi. Gusa abafite amatike y’umwaka nibo bonyine bashobora kujya ku mikino y’iyi kipe guhera uyu munsi ikina na Norwich.

Chelsea yahawe uruhushya rwihariye rwo gukomeza ibikorwa bijyanye n’umupira w’amaguru ariko kuyigurisha ntabwo biraza gushoboka kubera uyu mwanzuro.

Guhera uyu munsi, Chelsea FC yabujijwe kugurisha amatike y’umukino cyangwa gusinyisha abakinnyi bashya no kongerera amasezerano abahari, kandi igomba gufunga iduka ryayo ricuruza ibikoresho byayo nyuma y’aho Roman Abramovich yongerewe ku rutonde rw’abafatiwe ibihano n’Ubwongereza.

Uyu muherwe wo mu Burusiya yabujijwe gukora ubucuruzi ubwo aribwo bwose n’abantu bo mu Bwongereza n’ibigo by’ubucuruzi, bivuze ko gahunda ye yo kugurisha iyi kipe y’igihangange yo mu burengerazuba bwa London idashoboka.

Iyi kipe ntizashobora gusinyisha amasezerano ayo ari yo yose,biyibuza kujya ku isoko ryo kugura abakinnyi mu mpeshyi, ariko abakozi n’abakinnyi bari mu ikipe bazakomeza guhembwa na serivisi zitangwa ku mikino.

Imibereho y’ejo hazaza ha Chelsea irashidikanywaho, ariko abagize guverinoma y’ubwongereza bihutiye gushimangira ko baragabanya ibihombo ku ikipe

Umunyamabanga wa Leta ushinzwe umuco Nadine Dorries kuri Twitter yagize ati: ’Icyo dushyize imbere ni uguhangana n’abafasha ubutegetsi bwa Putin.

’Ibihano by’uyu munsi biragaragara ko biragira ingaruka z’ako kanya kuri Chelsea n’abafana bayo. Turi gukora cyane kugirango ikipe n’umukino w’igihugu bitangirika bitari ngombwa kubera ibi bihano.

’Kugira ngo iyi kipe ikomeze guhatana no gukora, turatanga uruhushya rwihariye ruzayemerera gusoza imikino isigaye, abakozi bagahembwa ndetse n’abafite amatike bakitabira imikino,ariko by’umwihariko tukabuza Abramovich kubona inyungu kubera ko ari nyiri ikipe. .

Umuherwe w’Umwongereza Nick Candy ari mu ba mbere bifuzaga kugura Chelsea we n’abandi barimoUmuherwe wo mu Busuwisi Hansjorg Wyss n’umushoramari w’umunyamerika Todd Boehly.