skol
Kigali

AC Milan yiyemeje guha ishimwe rikomeye Kjaer ukinira Denmark watabaye ubuzima bwa Eriksen

Imyidagaduro   Yanditswe na: Dusingizimana Remy 14 June 2021

Ikipe ya AC Milan irifuza guha ishimwe myugariro wayo ukomoka muri Denmark witwa, Simon Kjaer,kubera uruhare yagize mu kurokora ubuzima bwa mugenzi we bakinana Christian Eriksen.


Ikipe ya AC Milan irifuza kugira kapiteni Kjaer kubera ibikorwa 3 bikomeye yakoze nyuma y’aho Eriksen yituye hasi kuwa Gatandatu.

Ikinyamakuru Sportsmediaset cyavuze ko AC Milan yifuza kugira kapiteni Simon Kjaer burundu kubera ubutwari bwe.

Umunyabigwi Paolo Maldini wa AC Milan nawe yashyigikiye iki gitekerezo avuga ko ari inyamibwa.Abafana nabo bashyigikiye iki gitekerezo ndetse banatangiye ubukangurambaga bwo kubikora.

Ubwo Eriksen yari amaze kugwa, Kjaer ni we wabaye uwa mbere wihutiye kumugeraho, akora ku buryo atamira ururimi rukaba rwafunga imyanya y’ubuhumekero ndetse yagerageje kumukanda mu gituza mbere y’uko abaganga bahagera.

Icyo gihe nibwo umusifuzi w’Umwongereza, Anthony Taylor, yahise ahamagara abaganga ngo baze mu kibuga bifata umwanya ugera hafi ku minota 15 Christian Eriksen yitabwaho.

Kjaer w’imyaka 32, yagiriye inama bagenzi be yo gukora uruziga iruhande rwa Eriksen kugira ngo avurwe nta bandi bantu babona ibiri kubera aho.

Yihutiye kandi kujya ahari umugore wa Eriksen, Sabrina Kvist, aramuhobera mu rwego rwo kumuhumuriza dore ko yari yamaze kwiheba ndetse yarenzwe n’amarira.

Umwe mu baganga bakomeye b’umutima, Dr Cott Murray, yabwiye Daily Mail ko “Eriksen yatabawe no kugira umuntu nka Kjaer hafi” kuko byari bigoye kurokoka.

Ati “Turi abanyamahirwe kuko dufite abakinnyi mu kibuga bazi icyo gukora, bamushyize mu mwanya mwiza utekanye ku buryo nta kibazo ari bugire kandi bigafasha n’abaganga.”

Kjaer yatumye kandi abakinnyi bagenzi be bose bagenda baherekeje ingobyi yatwaweho Christian Eriksen ubwo yakurwaga ku kibuga yambitswe ibyuma bimufasha guhumeka.

Aba bakinnyi bazengurutse ingobyi ye bafashe ibitambaro birebire kugira ngo barinde ko hari abafotozi bafata amafoto n’amashusho ateye ubwoba bakayakwirakwiza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo yashimangiye ko ari umwami wa Champions League arokora...

Umunyabigwi mu mupira w’amaguru,Cristiano Ronaldo,yongeye gushimangira ko...
21 October 2021 0

APR FC na Rayon Sports zizesurana ku munsi wa 4 wa shampiyona...

Ishyirahamwe ry’umupira w’amaguru mu Rwanda ryashyize hanze ingengabihe y’uko...
20 October 2021 0

Hamenyekanye umutoza Cristiano Ronaldo yifuza ko asimbura Solskjaer

Umutoza wa Ole Gunnar Solskjaer akomeje guhura n’igitutu kuri Old Trafford...
20 October 2021 0

"Umunya Brazil Chrismar Soares ntazatangirana Shampiyona na Rayon Sports "-...

Umutoza wa Rayon Sports,Masudi Irambona Juma,yatangaje ko mu bakinnyi afite...
20 October 2021 0

FIFA yahaye igihano gikomeye Rayon Sports kubera kwambura umukinnyi...

FIFA yahaye Rayon Sports igihano cyo kutazagura abakinnyi bashya guhera...
19 October 2021 0

Umutoza Solskjaer yashwanye na rutahizamu we bapfa ibyo yamuvuzeho

Abahagarariye Marcus Rashford ntabwo bishimiye umutoza wa Manchester United...
19 October 2021 0