skol
fortebet

Afurika y’Epfo yabaye ikipe ya 3 yegukanye igikombe cy’Afurika cy’abagore

Yanditswe: Sunday 24, Jul 2022

featured-image

Sponsored Ad

Ikipe ya Afurika y’Epfo yegukanyeIgikombe cy’Afurika cy’abagore 2022 [Total Energies WAFCON 2022 ] itsinze ku mukino wa nyuma Maroc yacyakiriye ibitego 2-1 mu mukino wasifuwe n’Umunyarwandakazi,Mukansanga Salima.
Nyuma yo gutsindirwa ku mukino wa nyuma inshuro 5,Afrika y’Epfo yegukanye igikombe cy’Afrika cy’abagore bwa mbere itsinze Maroc ibitego 2-1.
Afrika y’Epfo igitwaye itsinze imikino yose,yinjije ibitego 10 yinjizwa 3.
Ibaye ikipe ya 3 itwaye iki gikombe nyuma ya Nigeria(11) na Guinée (...)

Sponsored Ad

Ikipe ya Afurika y’Epfo yegukanyeIgikombe cy’Afurika cy’abagore 2022 [Total Energies WAFCON 2022 ] itsinze ku mukino wa nyuma Maroc yacyakiriye ibitego 2-1 mu mukino wasifuwe n’Umunyarwandakazi,Mukansanga Salima.

Nyuma yo gutsindirwa ku mukino wa nyuma inshuro 5,Afrika y’Epfo yegukanye igikombe cy’Afrika cy’abagore bwa mbere itsinze Maroc ibitego 2-1.

Afrika y’Epfo igitwaye itsinze imikino yose,yinjije ibitego 10 yinjizwa 3.

Ibaye ikipe ya 3 itwaye iki gikombe nyuma ya Nigeria(11) na Guinée Équatoriale yagitwaye muri 2008 & 2012)

Hilda Magaia yabaye intwari ya Banyana Banyana, atsinda ibitego bibiri byihuse mu gice cya kabiri afasha Afrika yepfo guhagarika imyaka myinshi y’agahinda idatwara iki gikombe.

Nubwo Rosella Ayane yishyuye igitego kimwe ku ruhande rwa Atlas Lionesses mu minota icumi ya nyuma y’umukino, ntibyari bihagije kugira ngo iyi kipe yari igeze bwa mbere ku mukino wa nyuma yitware neza

Afurika y’Epfo yari yatsinzwe ku mikino ine ya nyuma irimo uwo muri 2000, 2008, 2012 na 2018.

Kapiteni Refiloe Jane wa Afurika y’Epfo yabwiye BBC Sport Africa ati: "N’ubunararibonye bucishije bugufi, kandi ni amarangamutima menshi,urebye urugendo twakoze nka Banyana Banyana."

"Kuba tugeze kuri iyi ntsinzi bisobanuye byinshi kuri buri wese.Ubwo ifirimbi ya nyuma yavugaga, narize. Byari ibintu byiza kandi byuzuye amarangamutima.

"Ntabwo ntekereza ko nigeze kurira cyane nyuma y’umukino w’umupira w’amaguru - byerekana urugendo rwacu, ibintu byose twanyuzemo bwa nyuma byaje guhurira hamwe."

Ku mutoza wa Banyana Banyana, Desire Ellis, iyi yari intsinzi ishimishije cyane nyuma yo kugerageza akananirwa.Nk’umukinnyi,kwegukana iki gikombebyamuhojeje amarira yarize ubwo yatsindwaga ku mukino wa nyuma mu myaka 22 ishize.

Igice cya mbere cyari ibintu byari bitoroshye, nta mahirwe yo gutera mu izamu yabonetse ku mpande zombi, ariko umukino wahinduye isura ubwo Magaia yinjizaga mu rushundura umupira ku munota wa 60 w’umukino. Afurika y’epfo yahise iyobora umukino.

Nyuma y’iminota umunani, uyu mukinnyi yinjije igitego cya 2 cya Afurika y’Epfo bituma Abanya Maroc bari benshi kuri stade bacika intege.







Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa