skol
Kigali

Afurika y’Epfo yahagaritse amakipe arimo iyatsinze ibitego 59-1 birimo 41 byitsinzwe

Imyidagaduro   Yanditswe na: Dusingizimana Remy 9 June 2022

Amakipe ane yahagaritswe ubuzima bwayo bwose mu cyiciro cya kane cy’umupira w’amaguru muri Afurika y’Epfo kubera kugurisha imikino mu rugamba rwo gushaka igikombe cya shampiyona.

Abayobozi bafashe umwanzuro wo gushyiraho amahugurwa yo kwigisha abatoza, abayobozi n’abasifuzi.

Ubwo Matiyasi FC na Shivulani Dangerous Tigers barwanira igikombe mu kwezi gushize,hagaragaye imvura y’ibitego idasanzwe.

The Tigers yatsinze Kotoko Happy Boys ibitego 33-1 mu mpera za Gicurasi,ariko yakurikiwe nuko Matiyasi yakoze agashya itsinda ibitego 59-1 Nsami Mighty Birds iri ku mwanya wa gatatu.

Abayobozi b’aya makipe bahagaritswe by’agateganyo hagati y’imyaka y’imikino itanu n’umunani kubera uruhare bagize mu kugurisha imikino ku ya 22 Gicurasi, mu gihe abari bayoboye imikino bahawe ibihano bya shampiyona icumi.

Perezida w’akarere ka Mopani, Vincent Ramphago, yabwiye BBC Sport Africa ati: "Aba bantu ntibubaha umupira w’amaguru, kandi ntidushobora kwemera ko byongera kubaho."

Ikibabaje ni uko hari abakinnyi bakiri bato babigizemo uruhare kuko amategeko agenga amarushanwa ateganya ko buri kipe igomba kugira byibuze abakinnyi batanu bari munsi y’imyaka 21.

Intego nyamukuru yacu mu gutegura shampiyona ni ugushaka gutegura abakinnyi bato b’umupira w’amaguru bazakinira Bafana Bafana ahazaza."

Nubwo bashyizeho umwete bakagura imikino n’ibitego amaherezo Gawula Classic - yari iya kane muri shampiyona - yatangajwe ko ariyo yatwaye shampiyona y’akarere ka Mopani muri Afrika yepfo.

Ibyo byabaye nyuma yo guhanwa kw’amakipe atatu yari hejuru yabo ariyo Shivulani yari iyoboye n’amanota atatu,inafite ikinyuranyo cy’ibitego 16,mbere yo gukina umunsi wanyuma.

Ramphago yagize ati: "Iperereza ryacu ryerekanye ko Matiyasi na Nsami bashakaga kwambura Shivulani umwanya wa mbere ku buryo bumvikanye ku mukino kugira ngo ibyo bitabaho."

"Shivulani imaze kumva ko Matiyasi iyoboye n’ibitego 22-0 mu gice cya mbere,yavuganye na Kotoko Happy Boys ngo ikure abakinnyi bayo bakomeye mu kibuga. Abakinnyi bavuyemo bavuze ko bari barushye basiga ikipe yabo isigaranye abakinnyi barindwi gusa.

Ku mukino wa Matiyasi, umusifuzi yahaye abakinnyi amakarita atukura ku buryo Nsami yarangije ifite abakinnyi barindwi."

Igitangaje kurusha ibindi nuko aya makipe yaherukaga guhura muri Werurwe, Matiyasi yatsinze Nsami Mighty Birds ibitego 2-1 mugihe Shivulani Dangerous Tigers yanganyije 2-2 na Kotoko Happy Boys.

Komite ishinzwe imyitwarire yabonye ibimenyetso byerekana ubujura hagati y’amakipe,n’abasifuzi b’imikino kugira ngo haboneke ibitego.

Abakinnyi bo mu makipe ane yo mu majyaruguru ya Afrika y’epfo,mu ntara ya Limpopo bazamenya ibizababaho mu minsi iri imbere.

Biteganyijwe ko ibihano biremereye bizatangwa nyuma y’uko abakinnyi ba Kotoko Happys Boys bavuye mu kibuga batsinze ibitego 33-1, mu gihe byagaragaye ko Nsami Mighty Birds yitsinze ibitego 41 mu gutsindwa ibitego 59-1 - nubwo yarangije umukino ifite abakinnyi barindwi gusa.

Ramphago,Perezida wa komite ishinzwe amarushanwa mu karere ati: "Igihe twakoraga iperereza twasanze bimwe mu bitego bya Matiyasi bitari byanditswe [neza] kubera ko umusifuzi atashoboye gusobanura raporo ye.

Twasanze umusifuzi yanditse gusa ngo ’umukinnyi numero 2 yatsinze ibitego 10, umukinnyi numero 5 yatsinze ibitego 20’ n’ibindi ariko hari ibitego 41 byitsinzwe none babyanditse bate?".

Ntabwo ari bishya mu mupira w’amaguru wa Afrika ko amakipe anyagirana ibitego,kuko muri Nigeriya bahagaritse amakipe imyaka 10 muri 2013 nyuma yo gutsindana intsinzi ya 79-0 na 67-0.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Basketball: Ikipe y’igihugu y’ u Rwanda yasezerewe nabi kandi yakiriye...

Ikipe y’igihugu y’ u Rwanda mu mukino wa Basketball yasezerewe mu mikino yo...
4 July 2022 0

Igikombe cy’Afurika cy’Ibihugu cyagombaga kuba mu mwaka utaha...

Igikombe cy’Africa cy’ibihugu cyagombaga kuba mu kwezi kwa Kamena umwaka...
3 July 2022 0

Abubakar Lawal wifuzwaga na benshi mu Rwanda yigiriye muri Vipers...

Rutahizamu w’umunya-Nigeria Abubakar Lawal uherutse gusoza amasezerano...
3 July 2022 0

Hamenyekanye amakipe 3 ashaka Cristiano Ronaldo muri iyi mpeshyi

Nyuma yo gusaba Ubuyobozi bwa Manchester United,Cristiano Ronaldo arifuzwa...
3 July 2022 0

Cristiano Ronaldo yasabye Manchester United kumurekura akigendera

Inkuru zikomeje gucicikana ko Cristiano Ronaldo yasabye ikipe ya Manchester...
2 July 2022 0

Basketball: U Rwanda rwatsinzwe na Sudan y’Epfo mu mukino warebwe na...

Ikipe ya Sudani y’Epfo yatsinze u Rwanda amanota 73 kuri 63 mu rugendo rwo...
1 July 2022 0