Ikipe y’Igihugu y’Ubwongereza y’abagore yatsinze iya Sweden ibitego 4-0 mu mukino wa 1/2 cya EURO 2022 y’Abagore, ikatisha itike yo gukina umukino wa nyuma aho izacakirana n’Ubudage bo bwatsinze Ubufaransa ibitego 2-1.
Ikipe y’Ubwongereza yigaragaje cyane muri iri rushanwa riri kubera iwabo,yakunzwe na benshi kubera umukino wayo mwiza wiganjemo no kwinjiza ibitego byinshi aho yanakoze agahigo ko kuba ikipe ya mbere itsinze ibitego 4-0 muri 1/2 cy’iri rushanwa rya Euro y’Abagore.
Ikipe (...)

Sponsored Ad

Ikipe y’Igihugu y’Ubwongereza y’abagore yatsinze iya Sweden ibitego 4-0 mu mukino wa 1/2 cya EURO 2022 y’Abagore, ikatisha itike yo gukina umukino wa nyuma aho izacakirana n’Ubudage bo bwatsinze Ubufaransa ibitego 2-1.

Ikipe y’Ubwongereza yigaragaje cyane muri iri rushanwa riri kubera iwabo,yakunzwe na benshi kubera umukino wayo mwiza wiganjemo no kwinjiza ibitego byinshi aho yanakoze agahigo ko kuba ikipe ya mbere itsinze ibitego 4-0 muri 1/2 cy’iri rushanwa rya Euro y’Abagore.

Ikipe y’Ubwongereza y’Abagore yashyiriweho agahimbazamusyi k’ibihumbi 55.000 by’amapawundi niramuka itwaye igikombe cya Euro.

Aka gahimbazamusyi kateje impaka ku mbuga nkoranyambaga kuko ntaho gahuriye n’ako ikipe y’Ubwongereza y’abagabo yari yemerewe iyo itwara Euro y’umwaka ushize kuko yari yemerewe ibihumbi 460.000 by’amapawundi.

Ikipe ya Gareth Southgate yahawe amapawundi 300.000 kubera kugera ku mukino wa nyuma gusa.

Ibinyuranye nibyo,Ikipe y’Ubwongereza y’abagore [Lionesses] izakina imikino itandatu yose ihabwa ibihumbi 2000 by’amapawundi kuri buri mukino bityo izinjiza 67,000 yose hamwe nitsinda umukino wa nyuma wo ku cyumweru.

Bemerewe ibi bihembo byabo na FA mbere y’uko amarushanwa atangira.

Bamwe bavuga ko iyi mibare igaragaza ubusumbane mu buzima bw’abantu kuko ikinyuranyo cy’uduhimbazamusyi ku bagabo n’abagore ari kinini cyane kandi bose bakinira igihugu.

Impuzandengo y’umushahara w’abagore muri shampiyona ya Super League ni 30.000 by’amapawundi ku mwaka,mu gihe abagabo bakubye inshuro zisaga ijana uwo mushahara kuko benshi binjiza miliyoni 3 z’ama pound muri Premier League ku mwaka.

Abagore muri siporo bamaganye ubusumbane mu gahimbazamusyi ejo, bati: "Kuki tutagomba gusaba amafaranga angana kandi tukishyurwa? Tumaze kubibona muri Tennis na Cricket.

Ibi birerekana agaciro aya makipe ahabwa muri siporo.Kongera ishoramari ni ngombwa muri buri rwego rwa siporo y’abagore.