skol
Kigali

Agnes Tirop wahagarariye Kenya mu mikino Olimpike i Tokyo yiciwe mu rugo rwe atewe icyuma

Imyidagaduro   Yanditswe na: Dusingizimana Remy 13 October 2021

Ibitangazamakuru byo mu gihugu cya Kenya biri kuvuga cyane ku rupfu rwa Agnes Tirop watsindiye imidali muri shampiyona y’isi ndetse akagera ku mukino wa nyuma mu gusiganwa metero 5,000 mu marushanwa ya Olempike iheruka kubera I Tokyo.

Agnes Tirop w’imyaka 25 kuri uyu wa Gatatu tariki ya 13 Ukwakira 2021 yasanzwe yiciwe mu nzu ye iherereye ahitwa Iten muri Elgeyo Marakwet County.

Tirop yegukanye shampiyona y’isi mu gusiganwa ibizwi nka Cross country muri 2015, imidari ibiri ya bronze mu gusiganwa metero 10000 ku isi muri 2017 i London na 2019 i Doha.

Yarangije ku mwanya wa 4 mu gusiganwa metero 5,000 mu mikino Olempike iherutse kubera I Tokyo akoresheje iminota 14:39.62.Yaje inyuma ya kizigenza Sifan Hassan wo mu Buholandi watwaye umudali wa zahabu akoresheje 14:36.79, mwene wabo Hellen Obiri wabaye uwa 2 akoresheje 14:38.36 n’umunya Ethiopia Gudaf Tsegay watwaye bronze akoresheje 14:38.87.

Mu kwezi kumwe gusa gushize,Tirop yaciye agahigo ku isi mu bagore,mu kwiruka ibirometero 10 ahitwa I Herzogenaurach, aho yakoresheje iminota 30 n’isegonda 01.Yakuyeho amasegonda 28 ku gahigo ko kwiruka ibirometero 10 kari gafitwe na Asmae Leghzaoui ukomoka muri Morrocco wabikoze 2002.

Uyu mukobwa yatewe icyuma mu nda nkuko Barnaba Korir,ushinzwe imikino ngororamubiri muri Nairobi yabibwiye The Standard.Bikekwa ko uwahoze ari umukunzi we ariwe wihishe inyuma y’ubu bwicanyi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

#AFCON2021:Equatorial Guinea ya 114 ku isi yakoze mu jisho Algeria yari...

Nyuma y’imikino 35 idatsindwa ndetse ishaka kuba igihugu cya mbere ku isi...
17 January 2022 0

Kiyovu Sports yananiwe guhagarika APR FC y’abakinnyi 10

Ikipe ya Kiyovu Sports yananiwe gutsinda APR FC yahawe ikarita itukura...
16 January 2022 0

Biravugwa: Rayon Sports yamaze kumvikana n’umutoza watoje Reims

Biravugwa ko ubuyobozi bwa Rayon Sports bwamaze kumvikana n’umutoza watoje...
16 January 2022 0

Anthony Martial yateranye amagambo n’umutoza Rangnick

Rutahizamu Anthony Martial yasubije umutoza wa Manchester United, Ralf...
16 January 2022 0

Novak Djokovic wa mbere ku isi muri Tennis yirukanwe muri Australia

Umunya Serbia nimero ya mbere ku isi mu mukino wa Tennis yamaze gutsindwa...
16 January 2022 0

"Kuba umukinnyi mwiza nta kinyabupfura ni ibintu bitandukanye"-Lomami avuga...

Umutoza w’Agateganyo wa Rayon Sports, Lomami Marcel, yavuze ko icyuho cya...
16 January 2022 0