skol
Kigali
Fortebet

Akari ku mutima w’abakinnyi bazahagararira u Rwanda muri Commonwealth Games

Imyidagaduro   Yanditswe na: Dusingizimana Remy 26 July 2022

Abakinnyi bahagarariye u Rwanda mu mikino ya Commonwealth izatangira kuwa kane mu mujyi wa Birmingham bafite ikizere cyo kwitwara neza nubwo bamwe muri bo batiteguye bikwiriye.

Abakinnyi b’u Rwanda b’amakipe yo gusiganwa ku magare, kwiruka, Beach Volley, no koga ubu bari mu Bwongereza ahagiye kubera iyo mikino.

Baganira na BBC dukesha iyi nkuru,benshi bemeje ko biteguye gutanga ibyo bafite byose gusa hari abavuga ko imyiteguro idahagije.

Ibipimo by’abakinnyi b’u Rwanda mu marushanwa mpuzamahanga muri iki gihe ntabwo bishimishije kuko bagenda bahagarariye igihugu ku butumire batakoreye ibihe bisabwa ngo bitabire.

Ikipe y’amagare irimo abagore batatu n’abagabo batanu ifite ikizere cyo kwitwara neza, iy’abagabo ubu ni iya kabiri ku rwego rwa Africa inyuma ya Eritrea.

Felix Sempoma utoza iyi kipe yizeye ko n’i Birmingham bazitwara neza kuko mu bagabo afite abakinnyi bigaragaje muri Tour du Rwanda iheruka.

Ati: “Muri Tour du Rwanda y’ubushize twaje imbere ugerereanyije n’imyaka yashize, uwaje imbere yabaye uwa cyenda, kandi turamufite hano muri iyi kipe, ndetse tukagira n’uwatsinze etape nawe turajyanye, bigaragara ko abo dufite bateye imbere.”

Yves Nimubona usiganwa ku maguru muri 5,000m na 10,000m ari kumwe n’abandi bagore babiri nabo basiganwa ku maguru, baserukiye u Rwanda muri Commonwealth Games.

Nimubona mu kwezi gushize kwa Kamena yabaye uwa gatandatu mu mikino nyafurika mu birwa bya Maurices, ibi ngo bitumye ajyana imbaraga n’ikizere.

Yabwiye BBC ati: “Uko umukinnyi akina imikino itandukanye agenda avanayo ubunanribonye bumufasha gukina neza andi marushanwa.”

Rukundo Patrick utoza ikipe y’igihugu yo koga yagiye muri iyi mikino, avuga ko ikibazo cy’ibikoresho n’abakinnyi batitoza bikwiriye mu makipe bakinamo aribyo bikomeye.

Ati: “Mu makipe yabo [abakinnyi] ntibititoza ku buryo buhagije kereka iyo bageze mu ikipe y’igihugu.

Ikindi turabura swimming pool yujuje ibisabwa, nk’ubu twitoreje mu yujuje uburebure ariko mu by’ukuri irabura utundi tuntu nk’aho basimbukira ntaho dufite, bivuze ngo tuzabikora tugeze kuri piscine y’irushanwa yujuje ubuziranenge.”

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Haruna Niyonzima yabwiye amagambo yihariye umutoza w’Amavubi wongeye...

Umukinnyi Haruna Niyonzima yashimiye umutoza Carlos Alos wongeye...
18 August 2022 0

Mussa Camara yagarutse muri Rayon Sports yahesheje shampiyona

Rutahizamu ukomoka muri Mali,Mussa Camara yamaze gusinya amasezerano...
18 August 2022 0

Caleb wifujwe na Rayon Sports cyane yabonye ikipe ikomeye

Ikipe Kaizer Chiefs yo muri Afurika y’Epfo yatangaje ko yamaze gusinyisha...
18 August 2022 0

"Manchester United y’uyu mwaka niyo mbi kurusha iheruka kumanuka mu cyiciro...

Uwari Kapiteni wa Manchester United ubwo iheruka kumanuka muri 1974...
18 August 2022 0

MINISPORTS ntirishyura Amavubi agahimbazamusyi ka CHAN 2020

Hashize umwaka urenga "Amavubi ageze muri 1/4 cya CHAN 2020 yakinwe muri...
18 August 2022 0

Rayon Sports yasinyishije abakinnyi 2 barimo umunyezamu wa Yanga...

Rayon Sports imaze gutangaza ko yasinyishije amasezerano y’umwaka umwe,...
18 August 2022 0