skol
Kigali

Akavuyo k’abafana ba Nigeria katwaye ubuzima bw’umukozi wa FIFA

Imyidagaduro   Yanditswe na: Dusingizimana Remy 30 March 2022

Ku munsi w’ejo, abafana ba Nigeria binjiye mu kibuga nyuma yo kunganya na Ghana igitego 1- 1, batuma abakinnyi n’abayobozi bahunga mu rwego rwo gukiza amagara yabo ariko umukozi wa FIFA ushinzwe ibyo kurwanya ibiyobyabwenge [FIFA DOPING CONTROL OFFICER], Dr. Joseph Kabungo yahasize ubuzima.

Uyu mugabo wo muri Zambiya ushinzwe kurwanya ibiyobyabwenge muri ruhago, Dr Joseph Kabungo, yaraye apfuye ubwo yari ku kazi i Abuja muri uyu mukino w’amajonjora yo gushaka itike yo kuzakina igikombe cy’isi muri Qatar, hagati ya Nigeria na Ghana.

Abafana ba Nigeriya ntibishimiye ibyavuye mu mukino ariyo mpamvu biraye mu kibuga ku bwinshi bagamije guhohotera abakinnyi n’abayobozi.

Dr Joseph Kabungo yafashwe n’umutima nyuma yo guhungabana,amakuru ahita atangazwa ko yapfuye.

Dr. Joseph Kabungo ni umwe mu bari bagize komite y’ubuvuzi ya CAF ndetse yari aherutse gushyirwa muri komite y’ubuvuzi ya FIFA.

Yabaye umuganga w’ikipe ya Zambiya kuva 2003 kugeza 2016.

Abafana ba Nigeria basenye bikomeye stade yabo nyuma yo kunanirwa kujya mu gikombe cy’isi bwa mbere mu myaka 16 ishize.

Aba bafana binjiye mu kibuga nyuma y’umukino, batangira kujugunya ibintu mu rwambariro nyuma y’uko igihugu cyabo kitabonye igikombe cyisi.

Abafana bari mu rugo barwanye n’abapolisi basenya ibikorwaremezo byo ku kibuga kugeza ubwo polisi ikoresha ibyuka biryana mu maso mu kubatatanya.

Abafana ba Ghana nabo bahungiye mu kibuga nyuma y’uko benshi muri bo bagabweho igitero n’aba Nigeria.

Abakinnyi bahungiye mu rwambariro barinzwe na polisi yabakingiye ingabo nyuma yo guterwa amacupa menshi n’abafana.



Uyu niwe mukozi wa FIFA wapfuye

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza mushya wa United yasubije abamubajije niba azakorana na Cristiano...

Umutoza mushya wa Manchester United,Erik ten Hag yatangaje ko yifuza cyane...
16 May 2022 0

Mutabazi Yves uheruka kugirira ikibazo UAE yabonye ikipe nshya

Umukinnyi w’ikipe y’igihugu ya Volleyball, Mutabazi Yves nyuma yo gutandukana...
16 May 2022 0

"Kugongana n’itegeko ntibigira umuntu umunyabyaha"-Akari ku mutima...

Umunyamakuru w’imikino ukundwa na benshi mu Rwanda ndetse wanabereye...
16 May 2022 0

Akayabo kinjiye ku mukino wa APR FC na Kiyovu Sports kamenyekanye

Kuwa Gatandatu tariki ya 16 Gicurasi 2022,ikipe ya Kiyovu Sports yabonye...
16 May 2022 0

Gisagara Volleyball Club yatsinzwe biyikura ku gikombe

Ikipe ya Gisagara Volleyball Club yasezerewe mu mikino Nyafurika ihuza...
16 May 2022 0

Kylian Mbappe wongeye gutorerwa kuba umukinnyi w’umwaka mu Bufaransa yavuze...

Rutahizamu Kylian Mbappe uri mu ba mbere ku isi,yaraye atorewe kuba...
16 May 2022 0