Ikipe ya Al Hilal SC yambuwe Igikombe cya Shampiyona yo muri Sudani ya 2025/26 gihabwa Al Merrikh SC, kubera gukinisha umubare munini w’abanyamahanga mu mukino wa nyuma.

Ku wa 10 Kamena 2026, ni bwo aya makipe yombi yahuriye mu mukino wa nyuma wa Shampiyona ya Sudani ya 2025/26.

Uyu mukino warangiye Al Hilal SC yegukanye igikombe cya Shampiyona itsinze Al-Merrikh SC igitego 1-0 cyinjijwe na Emmanuel Flomo.

Nyuma y’uyu mukino, Al-Merrikh yaregeye ishyirahamwe ry’umukino w’amaguru muri Sudani (SRA) igaragaza ko Al Hilal SC yakoresheje abanyamahanga umunani kandi amategeko y’umupira w’amaguru muri icyo gihugu yemera abakinnyi batanu gusa.

Nyuma yo gusuzuma neza, Akanama Nkemurampaka muri SFA kemeje ko Al Hilal SC itsinzwe uwo mukino ku bitego 2-0, igatakaza amanota atatu yari yabonye kuri uwo mukino.

Al Merrikh igira amanota 21 ifata umwanya wa mbere ku rutonde rwa Shampiyona ya Sudani mu mikino ya kamarampaka, irusha Al Hilal SC ya kabiri amanota atatu.

Nyuma yo gusohora uyu mwanzuro, Al Hilal SC yagaragaje ko itishimiye iki cyemezo ivuga ko igiye kwisunga izindi nzego zisumbuyeho kugira ngo ihabwe ubutabera.