Mbere y’umukino wa shampiyona Manchester United yatsinzwemo na Westham United ibitego 3-1,umutoza Jose Mourinho yabwiye Sanchez ko atamukeneye ndetse atari mu bakinnyi 18 agomba gukoresha kuri uyu mukino kandi yari yamujyanye I London.

Sponsored Ad

Sanchez uri mu bihe bibi cyane mu ikipe ya Manchester United,yabwiwe na Jose Mourinho ko ari ku rwego rwo hasi ndetse atari bumwifashishe muri uyu mukino warangiye atsinzwe ibitego 3-1.

Sanchez ntaratsinda igitego mu mikino 5 amaze gukina muri Premier League y’uyu mwaka kandi ahembwa akayabo k’ibihumbi 500 by’amapawundi ku cyumweru.

Sanchez akomeje kwibasirirwa n’abafana ba Manchester United basigaye bamugereranya n’umukinnyi witwa Bebe wabahombeye aguzwe na Sir Alexis Ferguson.

Mu mikino 5 Sanchez amaze gukina muri shampiyona y’uyu mwaka, yarangije umukino umwe gusa, mu gihe amaze gutera amashoti 9 agana mu izamu arimo 3 yateye ku mukino wa Bunley.

Mu mwaka w’imikino ushize,Sanchez yatsindiye Manchester United ibitego 2 mu mikino 12 yakinnye nabwo abitsinda amakipe yoroshye, Huddersfield na Swansea yamanutse.


Umubano wa Mourinho na Sanchez uhagaze nabi kubera imyitwarire mibi y’uyu rutahizamu