Ikipe ya Real Madrid yashyize hanze amashusho agaragaza ikiganiro Cristiano Ronaldo yagiranye na bagenzi be bakinanaga muri Real Madrid ubwo bari bagiye guhura na Liverpool ku mukino wa nyuma uheruka kubera I Kiev aho yababwiye ko bagomba gutsinda bagakomeza kwandika amateka.

Sponsored Ad

Mbere yo kwerekeza mu kibuga bahura na Liverpool ku mukino wa nyuma wa UEFA Champions League uheruka kubera I Kiev,Ronaldo yagiye hagati ya bagenzi be ababwira ko bagomba gutsinda Liverpool bagakomeza kwandika amateka.

Cristiano Ronaldo yabwiye bagenzi be ati “Dukine cyane dutsinde maze twandike amateka”birangira bamwumviye kuko batsinze Liverpool ibitego 3-1 nyuma y’amahano yakozwe n’umunyezamu Lloris Karius.

Sergio Ramos nawe yunganiye Ronaldo abwira bagenzi be ati “Twongeye kugera ku mukino wa nyuma.Mwibuke abantu bose badufashije.Tugiye gutsinda 1,2,3,Real Madrid.”

Real Madrid yasohoye aya mashusho mu rwego rwo kwamamaza filimi mbarankuru igiye gushyira hanze irimo urugendo rwayo rwatumye itwara ibikombe bya UEFA Champions League 13 yise En el corazon de la Decimotercera’ (’In the Heart of the Thirteenth’).

Real Madrid ibifashijwemo na Gareth Bale watsinze ibitego 2 na Karim Benzema wafunguye amazamu,yabashije kwegukana UEFA Champions League ku ndhuro ya 3 yikurikiranya itsinze Liverpool ibitego 3-1.