Ikipe ya Chelsea niyo yakoresheje amafaranga menshi mu kugura abakinnyi kurusha andi makipe mu kinyejana cya 21 mu gihe amakipe atandatu ya Premier League yaje ku rutonde rw’amakipe 10 yashoye akayabo.

Ntabwo bitangaje ko The Blues iri ku mwanya wa mbere,kuko imaze gukoresha amafaranga arenga miliyari imwe y’amapawundi kuva Todd Boehly yayigura umwaka ushize.

Icyakora icyiza cya Chelsea nuko nayo yinjije akayabo mu kugurisha abakinnyi kurusha izindi kipe zose ziri kuri uru rutonde kuko yinjije miliyari na miliyoni 700 y’amapawundi.

Chelsea iri imbere ho miliyoni 90 z’amapawundi Manchester City,ya kabiri nubwo yashoye akayabo ka miliyoni 750 z’amapawundi mu kugura abakinnyi kurusha the Citizens muri izi ntangiriro z’ikinyejana.

City yashoye miliyari 2.35 z’amapawundi mu kugura abakinnyi kuva 2000 menshi yavuye mu baherwe ba Abu Dhabi bayiguze 2008.

Babashije kugurisha no gukusanya akayabo ka miliyoni 855 z’amapawundi mu kugurisha ubwo bivuze ko bashoye ku isoko miliyari imwe na miliyoni 4500 z’amapawundi.Abakeba bayo Manchester United bari ku mwanya wa gatatu.

Iya 5 ni PSG ya Kylian Mbappe nayo yashowemo akayabo n’Abarabu bo muri Qatar.

Ikipe ya Arsenal iri hagati y’abo bombi ku mwanya wa gatandatu kuri miliyoni 852 z’ama pound.

Gunners yakoresheje miliyoni zirenga 200 z’ama pound muri iyi mpeshyi yonyine kandi hafi miliyoni 574 z’ama pound zakoreshejwe kuva Mikel Arteta yatangira kuyitoza mu Kuboza 2019.