Amakipe 11 arimo APR FC, Police FC na Mukura agiye kwamburwa amanota yakuye ku ikipe ya Pepiniere.
Itegeko ry’ umupira w’ amaguru mu Rwanda riteganya ko iyo ikipe isezeye muri Shampiyona , amakipe yose yayikuyeho amanota ayamburwa.
Mu minsi ishize nibwo ikipe ya Pepiniere yari ku mwanya wa nyuma muri Shampiyona y’ u Rwanda yafashe icyemezo cyo gusezera muri iyi shampiyona. Ibi bivuze ko amakipe yose yakuye amanota kuri Pepiniere ayo manota agiye guhindurwa imfabusa.
Ni isezera Pepiniere (...)

Sponsored Ad

Amakipe 11 arimo APR FC, Police FC na Mukura agiye kwamburwa amanota yakuye ku ikipe ya Pepiniere.

Itegeko ry’ umupira w’ amaguru mu Rwanda riteganya ko iyo ikipe isezeye muri Shampiyona , amakipe yose yayikuyeho amanota ayamburwa.

Mu minsi ishize nibwo ikipe ya Pepiniere yari ku mwanya wa nyuma muri Shampiyona y’ u Rwanda yafashe icyemezo cyo gusezera muri iyi shampiyona. Ibi bivuze ko amakipe yose yakuye amanota kuri Pepiniere ayo manota agiye guhindurwa imfabusa.

Ni isezera Pepiniere ivuga ko ryaturutse kukuba ishyirahamwe ry’ umupira w’ amaguru mu Rwanda FERWAFA ryaranze kubahiriza ubusabe bwa Pepiniere FC. FERWAFA yategetse ko ikibuga cya Pepiniere aricyo cya Ruyenzi kitazongera gukunirwaho Shampiyona ku mpamvu isobanura ko iki kibuga kitari ku rwego rwo gikinirwaho shampiyona.

FERWAFA yasabye Pepiniere FC kujya yakirira ku kibuga cya Kicukiro irabyanga, ahubwo ihitamo gusezera muri shampiyona.

Ubundi nk’uko amategeko agenga shampiyona y’icyiciro cya mbere abiyeganya, avuga ko iyo ikipe isezeye muri shampiyona yarakinnye amwe hari andi bitarakina, kuko utaha ikipe amanota 3 itakiniye kuko yaba ishobora kuba yatakaza, bityo bafata amakipe yakuye amanota kuri iyo kipe bakayayambura. Ikindi n’uko ihagarikwa imyaka igera kuri 2 idakina amarushanwa.

Ibi bivuze ko amakipe yose yakinnye na Pepiniere hari amanota azamburwa kuko mu mikino 11 yose yakinnye nta numwe yatsinzemo, igikomeye yakoze ni ukunganya na Sunrise.

Amakipe 10 yose azakurwaho amanota 3, mu gihe ikipe imwe ariyo izakurwaho 1 yanganyije na Pepiniere ariyo Sunrise.

Dore amakipe azakurwaho amanota 3 igihe itegeko ryaba ryubahirijwe.
APR FC, Mukura VS , Police FC,Musanze FC, Kirehe FC, Etincelles FC, AS Kigali, Marines FC, Espoir na Kiyovu

Mu gihe ikipe ya Sunrise yo yakurwaho inota 1 kuko yanganyije na Pepiniere.