Ikipe ya Tout Puissant Mazembe izwi ku kazina ka Englebert ituruka mu gihugu cya Repubulika iharanira Demokarasi ya Kongo mu mugi wa Lubumbashi aho yashinzwe mu mwaka wa 1939, kuri ubu imaze gutwara ibikombe 11 Nyafurika. Ikipe ya TP Mazembe yashinzwe n’abihaye Imana b’abagatolika mu rwego rwo gufasha urubyiruko rutashoboye kwitabira amashuli yo kwiga iyobokamana nk’ubupadiri n’ibindi gukina umupira w’amaguru aho bayise Saint Georges FCndetse ihita ishyirwa mu cyiciro cya mbere cyitwaga (…)

Ikipe ya Tout Puissant Mazembe izwi ku kazina ka Englebert ituruka mu gihugu cya Repubulika iharanira Demokarasi ya Kongo mu mugi wa Lubumbashi aho yashinzwe mu mwaka wa 1939, kuri ubu imaze gutwara ibikombe 11 Nyafurika.

Ikipe ya TP Mazembe yashinzwe n’abihaye Imana b’abagatolika mu rwego rwo gufasha urubyiruko rutashoboye kwitabira amashuli yo kwiga iyobokamana nk’ubupadiri n’ibindi gukina umupira w’amaguru aho bayise Saint Georges FCndetse ihita ishyirwa mu cyiciro cya mbere cyitwaga Royal Federation of the Native Athletic Associations cyari cyarashyizweho n’umwami w’Ububiligi.

Mu mwaka wa 1944, iyi kipe ya Saint Georges yahinduriwe izina yitwa St Paul FC ariko kubera kwivanga kwa bamwe mu banyamahanga babaga muri Zaire,byatumye abihayimana b’abagatolika bava muri iyi kipe,ihita ifatwa n’uruganda rwakoraga amapine rwitwaga Englebert ruhita ruyitera inkunga.

Nyuma y’ubwigenge bwa Congo mu mwaka wa 1960,iyi kipe yariyubatse cyane ndetse ibasha gutwara ibikombe 3 mu mwaka umwe birimo igikombe cya shampiyona,igikombe cy’igihugu na Katanga Cup.

Izina rya Tout Puissant yarifashe mu mwaka wa 1966 ubwo yatwaraga igikombe cyayo cya mbere cya shampiyona idatsinzwe umukino n’umwe.

Mu mwaka wa 1967 nibwo yakoze ku gikombe cyayo cya mbere ku rwego rw’Afurika ubwo yatwaraga igikombe cy’amakipe yatwaye ibikombe iwayo (African Cup of Champions/CAF Champions League) ndetse iza kugitwara umwaka wakurikiyeho.Mazembe yatsindiwe ku mukino wa nyuma inshuro 2 zikurikiranya 1969,1970.

Nyuma yo gutwara ibi bikombe,Mazembe yasubiye inyuma cyane ndetse imara imyaka 18 itavugwa ku ruhande rw’Afurika kugeza ubwo Moise Katumbi Chapwe yaje muri iyi kipe mu mwaka wa 2009 Mazembe ikongera gutwara CAF champions League itsinze Heartland.

Mu mwaka wa 2010 ikipe ya Tout Puissant Mazembe yakoze amateka yo kuba ikipe ya mbere yo muri Afurika igeze ku mukino wa nyuma w’igikombe cy’isi cy’ama Clubs nubwo yastinzwe na Inter Milan ibitego 3-0.

TP Mazembe iherutse gutwara igikombe cya CAF Confederations Cup,itozwa n’umutoza Mihayo Kazembe mu gihe umuyobozi wayo akiri Moise Katumbi ari mu buhungiro kubera ibibazo bya Politike.

Ibikombe iyi kipe yatwaye

Ibikombe bya shampiyona ya Congo Linafoot (16):
1966, 1967, 1969, 1976, 1987, 2000, 2001, 2006, 2007, 2009, 2011, 2012, 2013, 2014, 2016, 2017
Ibikombe by’igihugu(5):
1966, 1967, 1976, 1979, 2000.
Ibikombe bikuru muri Congo (Super cup) : 2013, 2014, 2016.
African Cup of Champions Clubs / CAF Champions League (5): 1967, 1968, 2009, 2010, 2015
CAF Confederation Cup (2): 2016, 2017
African Cup Winners’ Cup:1980
CAF Super Cup (3): 2010, 2011, 2016