Kuri uyu wa Kane tariki ya 2 Kamena 2022, nibwo Amavubi akina na Mozambique mu mukino ubanza wo mu itsinda rya 12 mu rugendo rwo gushaka itike ya CAN ya 2023 izabera muri Cote d’Ivoire.
Amavubi ari kumwe n’icyo gihugu na Senegal na Benin,arifuza gukuraho ibihe bibi byo gutangira nabi amajonjora yo gushaka itike ya AFCON ndetse byanarufasha kongera gusubira muri iki gikombe ruherukamo muri 2004.
Kuva u Rwanda rukinnye AFCON ya 2004, rumaze gukina amajonjora 9 yo gushaka gusubira muri iki (...)

Sponsored Ad

Kuri uyu wa Kane tariki ya 2 Kamena 2022, nibwo Amavubi akina na Mozambique mu mukino ubanza wo mu itsinda rya 12 mu rugendo rwo gushaka itike ya CAN ya 2023 izabera muri Cote d’Ivoire.

Amavubi ari kumwe n’icyo gihugu na Senegal na Benin,arifuza gukuraho ibihe bibi byo gutangira nabi amajonjora yo gushaka itike ya AFCON ndetse byanarufasha kongera gusubira muri iki gikombe ruherukamo muri 2004.

Kuva u Rwanda rukinnye AFCON ya 2004, rumaze gukina amajonjora 9 yo gushaka gusubira muri iki gikombe cy’Afurika.

Muri izo nshuro 9, eshatu gusa nizo Amavubi yatsinze umukino ufungura amajonjora.Aho hari muri 2010 rutsinda Mauritania ibitego 3-0 I Kigali,rutsinda Mozambike muri 2017 igitego 1-0 ruyisanze iwayo no muri 2006 ubwo rwatsindaga 3-0 Namibia.

Uyu munsi umutoza w’Amavubi Carlos Alos,utarishimiwe aratoza umukino we wa mbere nyuma y’amezi abiri aHAWe akazi

Mu myaka 7 ishize, u Rwanda rwatsinze imikino 2 Mozambique rutsindwa indi 2.

Uretse Constantine watsinze Libya 3-0 bya Dady Birori muri 2014, nta wundi mutoza mu 8 b’Amavubi baheruka watsinze umukino we wa mbere mu majonjora yo gushaka itike ya AFCON.

Amavubi yakoze imyitozo ya nyuma ku mugoroba w’uyu wa Gatatu tariki ya 1 Kamena 2022 guhera Saa kumi n’ebyiri, amasaha umukino uzatangiriraho.

Kwizera niwe mukinnyi utasoje imyitozo nyuma yo kugira ikibazo mu kuboko k’iburyo ubwo imyitozo yari irimbanyije, aho yakugwiriye, kuri ubu hakaba hasigaye ko abaganga bakora raporo bakemeza niba azakina umukino.

Abazamu basigaye bavamo uritabazwa ni Kimenyi Yves wa Kiyovu SC na Ntwari Fiacre wa AS Kigali.