skol
Kigali
Fortebet

Amavubi ashobora kongera guhura na Ethiopia mu gushaka itike ya #CHAN2023

Imyidagaduro   Yanditswe na: Dusingizimana Remy 26 May 2022

Ikipe y’Igihugu "Amavub" mu mupira w’amaguru yakuwe mu makipe akina ijonjora ry’ibanze mu gushaka itike ya #CHAN2023 ariko amenyeshwa ko agomba gutegereza izava hagati ya Ethiopia na Sudani y’Epfo.

Amavubi ashaka uko yakina CHAN ku nshuro ya 5,agomba kuzakina n’izarokoka hagati y’ibi bihugu byombi gusa amahirwe menshi afite Ethiopia kuko niyo ikomeye.

Amavubi akunda guhura na Ethiopia kuko mu mukino wabereye kuri Stade ya Kigali i Nyamirambo kuwa 19 Ukwakira 2019,banganyije igitego 1-1 ariko u Rwanda rusezerera iyi kipe kuko mu mukino wari wabanje rwatsinze 1-0.

Nyuma yo gutsinda uwo mukino,U Rwanda rwerekeje muri CHAN ya 2020 yakinwe mu 2021 kubera icyorezo cya COVID-19,rugarukira muri ¼ cy’irangiza mu irushanwa ryabereye muri Cameroun.

Mu Karere ka Afurika y’Iburasirazuba ibihugu birimo Ethiopia, Sudani y’Epfo, Somalie, Tanzanie, Burundi na Djibouti ni byo bizakina ijonjora rya mbere.

Muri iyo mikino, Ethiopie izakina na Sudani y’Epfo, igihugu kizakomeza kizahure n’u Rwanda.

Somalie izahura na Tanzanie, igihugu kizakomeza kizakine na Uganda mu gihe ikizarokoka hagati y’u Burundi na Djibouti kizahura na Sudani.

Imikino y’aya majonjora izakinwa kuva tariki 24 Kamena kuzageza ku wa 2 Nzeri 2022, imikino ya nyuma izakinwe muri Mutarama 2023 muri Algérie.

Impuzamashyirahamwe y’Umupira w’Amaguru muri Afurika (CAF) yagabanyije umugabane mu byiciro bitandatu, aho buri cyose kizatanga amakipe atatu.

Irushanwa rigiye gukinwa ku nshuro ya gatandatu rizabera muri Algérie, ku wa 8-31 Mutarama 2023. Bitandukanye n’ibihe byabanje, ibihugu bizarikina byariyongereye biva kuri 16 biba 18.

Mu irushanwa riheruka kuba mu 2022, Maroc ni yo yatwaye igikombe itsinze Mali ibitego 2-0.

Ku rundi ruhande,Libya na Maroc zamaze kubona itike yo kuzakina iyi mikino ya nyuma y’igikombe cy’Afurika gikinwa n’abakinnyi bakina imbere mu gihugu iwabo(CHAN 2023) kuko andi makipe yo muri Afrika y’amajyaruguru yanze kwitabira

Libya yatwaye CHAN ya 2014,Maroc yatwaye iza 2018 na 2020.Izi kipe ziyongereye kuri Algeria.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza wa Rayon Sports yijeje abafana umusaruro kubera ba Rutahizamu...

Haringingo Francis utoza ikipe ya Rayon Sports yahishuye ko ikipe afiye...
11 August 2022 0

Karim Benzema yakoze amateka mashya afasha Real Madrid kwegukana Super Cup...

Real Madrid yaraye yegukanye igikombe gisumbi ibindi ku mugabane w’i Burayi...
11 August 2022 0

Ba rutahizamu Rayon Sports yari itegereje bageze mu Rwanda bizeza...

Ba rutahizamu Paul Were na Boubacar Traore intwaro Rayon Sports igomba...
11 August 2022 0

Rayon Sports itegereje ba rutahizamu 2 barimo uvuye mu Bugereki/Sugira...

Rutahizamu Boubacar Traoré w’imyaka 24 ukomoka muri Mali ategerejwe i Kigali...
10 August 2022 0

Uwahoze ari umukunzi wa Ryan Giggs yamushinje kumukoresha imibonano...

Kuri uyu wa Kabiri,urukiko rwumvise ko Ryan Giggs yafataga uwahoze ari...
10 August 2022 0

Myugariro Manzi Thierry uvugwa muri APRFC yarekuwe na FAR Rabat

Myugariro w’umunyarwanda #Manzi Thierry ari mu bakinnyi 8 bashimiwe(basezerewe)
10 August 2022 0