Ikipe y’igihugu y’abatarengeje imyaka 18 yananiwe gutsinda Uganda ngo igere ku mukino wa nyuma wa CECAFA y’abatarengeje iyo myaka iri kubera muri Kenya.

Nubwo abasore b’Amavubi birwanyeho cyane mu mukino ariko iyi misambi yabarushaga ndetse yabatsinze igitego 1-0.

Uganda yatsinze igitego kimwe ku busa cyatsinzwe na Abubakar Mayanja ku munota wa 59.

Nyuma y’uyu mukino,hagiye gukurikiraho undi wa 1/2 aho Kenya ikina na Tanzania. Iratsinda irasanga Uganda ku mukino wa nyuma.

U Rwanda rukaba ruzahatanira umwanya wa 3 n’ikipe iri butsindwe hagati ya Tanzania na Kenya.