Myugariro wa Real Madrid,Antonio Rudiger yadodeshejwe indodo 20 nyuma yo gushyira ubuzima bwe mu kaga kugira ngo yishyurire Real Madrid igitego.
Uyu mudage yagaragaye mu isura ye huzuyemo amaraso nyuma yo gutsinda igitego ku munota wa 95 ikipe ye yishyura Shakhtar Donetsk.
Amakuru aturuka muri Espagne avuga ko uyu Mudage yamaze kwivuza,ndetse ngo arakorerwa ibizamini uyu munsi kugira ngo harebwe niba nta gufwa rye ryavunitse mu gahanga.
Uyu mukinnyi wa Real Madrid yanditse kuri (…)

Myugariro wa Real Madrid,Antonio Rudiger yadodeshejwe indodo 20 nyuma yo gushyira ubuzima bwe mu kaga kugira ngo yishyurire Real Madrid igitego.

Uyu mudage yagaragaye mu isura ye huzuyemo amaraso nyuma yo gutsinda igitego ku munota wa 95 ikipe ye yishyura Shakhtar Donetsk.

Amakuru aturuka muri Espagne avuga ko uyu Mudage yamaze kwivuza,ndetse ngo arakorerwa ibizamini uyu munsi kugira ngo harebwe niba nta gufwa rye ryavunitse mu gahanga.

Uyu mukinnyi wa Real Madrid yanditse kuri Instagram ari mu ndege ati: "Turi bazima."

Yanditse kandi kuri Twitter ati: "Ikitakwishe kigutera imbaraga. Meze neza - mwakoze ku butumwa bwanyu bwose."

Shakhtar Donestk ikomoka mu gihugu cya Ukraine iri mu buhungiro yari hafi yo kuzana umunezero mu gihugu cyabo cyayogojwe n’intambara ubwo Oleksandr Zubkov yabatsindiraga igitego mu ntangiriro z’igice cya mbere.

Ariko Rudiger yakoze ibitamenyerewe yiyahura ku mupira wari mu kirere atsindira Real Madrid igitego cyo kwishyura nubwo yagonganye n’umunyezamu Anatoliy Trubin bagakomereka.

Real Madrid na Man City zisigaje gushaka amanota yo kuyobora itsinda kuko zamaze kubona itike izerekeza muri 1/16 cy’irangiza.

Uko imikino y’umunsi wa 4 wa Champions League yagenze:

Itsinda E:

AC Milan 0-2 Chelsea FC
Zagreb 1-1 Salzburg

Itsinda F:

Celtic 0-2 Leipzig
Shakhtar Donetsk 1-1 Real Madrid

Itsinda G:

Copenhagen 0-0 Man City
Dortmund 1-1 Sevilla

Itsinda H:

Maccabi 2-0 Juventus
PSG 1-1 Benfica