Brezili yanze gukinisha umukinnyi wo ku ruhande wa Manchester United,Antony,nyuma y’aho uwahoze ari umukunzi we amushinje ko yamuhohoteye.

Ishyirahamwe ry’umupira w’amaguru muri Brezili rivuga ko uyu mukinnyi w’imyaka 23 yashyizwe ku ruhande mu ikipe y’igihugu nyuma y’aho “ibyemezo bikenewe gukorwaho iperereza bigiriye hanze”.

Ejo ku wa mbere, ikinyamakuru UOL cyo muri Brezili cyashyize hanze ibirego by’uyu wahoze ari umukunzi wa Anthony.

Polisi muri Sao Paulo n’iyo muri Greater Manchester birimo gukora iperereza kuri ibi birego bishinjwa uyu mukinnyi.

Anyuze ku mbuga nkoranyambaga, Anthony yaguze ati: "Ndemeza ntekanye ko ibi birego ari ibinyoma kandi ko ibimenyetso bimaze gutangwa hamwe n’ibindi bizatangwa bizerekana ko ndi umwere ku byo nshinjwa.

"Nizeye ko iperereza riri gukorwa n’igipolisi rizashyira hanze ukuri ko ndi umwere”.

Antony arashinjwa na Gabriela Cavallin wahoze ari umukunzi we ko yamukubise “umutwe” mu cumba cya hoteri y’i Manchester ku wa 15 Mutarama uyu mwaka, arakomereka kandi bimusaba kujya kwa muganga.

Uyu kandi ngo yanamukubise ku ibere bimugiraho ingaruka.