Ikipe y’Ingabo z’Igihugu APR FC ikomeje imyitozo ishyorongi ,aho yitegura Shampiyona ndetse n’imikino ya Caf Chamoiyons League aho bazahura n’ikipe ya Pyramids yo mu Misiri.

Babinyujije ku mbuga nkoranya mbaga zabo ,APR FC yerekanye amafoto y’abakinnyi bamwe na bamwe bari mu myitozo ndetse batangaza ko bari kwitegura imikino y’imbere mu Gihugu no hanze yacyo.

APR FC ntirakina umukino n’umwe wa Shampiyona kuko yatangiye iy’ikipe iri mu mikino ny’Afurika ,aho yasezereye AZAM FC yo muri Tanzaniye ku giteranyo cy’ibitego bibiri mu mikino yombi.

Tariki 14 Nzeri nibwo ikipe ya APR FC yagombaga kukina na Rayon Sports mu mukino wa Shampiyona w’Umunsi wa gatatu ,gusa uyu mukino wakuweho bitewe n’uko tariki 13 Nzeri 2024, aribwo ikipe ya APR FC izahura na Pyramids FC mu mukino ubanza wa Caf Champiyons League.