Ikipe ya AS Kigali na APR FC zatsinze imikino yazo kuri uyu wa Kane, zikomeza kwanikira mukeba wazo Rayon Sports ihugiye mu mikino ya CAF Confederations cup.

Mu mikino y’umunsi wa 23 wa shampiyona y’u Rwanda AZAM Rwanda premier League,zirangiye APR FC itsindiye Mukura VS ku kibuga cyayo igitego 1-0,mu gihe AS Kigali yo yatsindiye Etincelles FC I Rubavu igitego kimwe ku busa.

Bigirimana Issa yahesheje amanota 3 APR FC

Igitego kimwe rukumbi cya AS Kigali cyatsinzwe na Ngama Emmanuel ku munota wa 26 w’umukino,kiyihesha amanota 3 ndetse ikomeza kuyobora urutonde rwa shampiyona.

AS Kigali ikomeje kuyobora shampiyona

Muri uyu mukino wabereye kuri stade Umuganda,hagiye habaho gushyamirana cyane ndetse umusifuzi atanga amakarita menshi y’umuhondo kubera ubwumvikane buke bwari mu kibuga ku mpande zombi.

APR FC yatsinze igitego 1-0 cyatsinzwe na Issa Bigirimana ku munota wa 19 w’umukino biyifasha kuguma ku mwanya wa kabiri ku rutonde rwa shampiyona.

Kugeza kuri uyu munsi wa 23 wa shampiyona,AS Kigali iyoboye urutonde n’amanota 45 aho ikurikiwe na APR FC ifite 44,Kiyovu Sports n’iya 3 n’amanota 38,Rayon Sports ifite amanota 36 ku mwanya wa 4 n’imikino 4 4 itarakina.

Imikino yabaye ku munsi w’ejo
Espoir FC 2-0 Kirehe FC
Sunrise FC 2-0 Bugesera FC
Police FC 1-0 Gicumbi FC

uyu munsi
Etincelles FC 0-1 AS Kigali (Stade Umuganda)
Amagaju FC 1-1 Miroplast FC (Nyagisenyi)
Mukura 0-1 APR FC (Stade Huye)