Ikipe ya APR FC na Rayon Sports zigiye kongera gutana mu mitwe mu mukino wo guhatanira igikombe cyo kurwanya ruswa mu mukino uteganyijwe ku wa tariki 23 Ukwakira 2018.

Nyuma yo gutsindwa na Rayon Sports igitego 1-0 cyatsinzwe na Master mu mukino wa nyuma w’igikombe cy’Agaciro,APR FC yahawe amahirwe yo kwihimura mu mukino wo kurwanya ruswa uteganyijwe ku wa tariki 23 Ukwakira 2018 nyuma y’inama mpuzamahanga izabera i Kigali ni izahuza ibigo bishinzwe kurwanya Ruswa muri aka Karere ka Afurika y’Iburasirazuba izatangira tariki 19 Ukwakira kugeza tariki 23 Ukwakira 2018.

Nkuko amakuru agera ku Umuryango abitangaza,amakipe yombi yamaze kwandikirwa amenyeshwa iby’uyu mukino w’ishyiraniro.

Nyuma y’uyu mukino,APR FC na Rayon Sports zizongera guhurira mu mukino ubanza wa Shampiyona 2018/2018 uteganyijwe ku itariki 12 Ukuboza 2018 kuri stade ya Kigali I Nyamirambo.