Ikipe ya APR FC yatsinze Mukura VS ibitego 3-2 mu mukino wa gucuti wabereye kuri Kigali Pele Stadium ibitego byatsinzwe n’abakunnyi b’abanyamahnga.

Sponsored Ad

Ni umukino kwinjira byari Ubuntu ku bafana baje kureba amakipe yombi ,umukino watangiye saa cyenda z’umugoroba .

Mu bakinnyi 11 APR FC yabanje mu kibuga harimo: Ruhamyankiko Y, Alioum S , Taddeo L, Ndayishimiye D, Ishimwe JR, Lamin Bah, Niyibizi R, Lamptey L, Kwitonda A, Chidirbere J, Victor M.

11 ba Mukura VS habanjemo : Tuyizere J, Rushema C, Abdoul I, Jordan D, Iradukunda E, Nisingizwe C, Vicent A, Samuel P, Hende Sannu B.
Ni umukino watangiye amakipe yombi acungana gusa Apr FC ,icishamo ikagera imbere y’izamu rya Mukura VS .

Umukino wakomeje kugorana arinako iminota y’igice cya mbere igenda izamuka buhoro buhoro.
Habura iminota 2 ngo igice cya mbere cyirangire ku munota wa 43 ikipe ya Apr FC yabonye igitego cya mbere cyatsinzwe na Lamine Bah, igice cya mbere cyira ari 1-0.

Mu gice cya kabiri ikipe ya Apr FC yagarutse neza kuko ku munota wa 48 yabonye igitego cya kabiri cyatsinzwe na Taddeo Lwanga .

Ikipe ya Mukura VS yatangiye gukanguka itangira gusatira maze ku munota wa 63 ibona igitego cya mbere cyatsinzwe na Bonher Sannu Hende.

Mukura VS yabonaga ko bishoboka no kubona igitegi cya kabiri yakomeje gusatira ndetse birakunda ku munota wa 75 yishyura igitego cya kabiri , umukino usubira ibubisi biba 2-2.

Ntago ikipe ya Apr FC yahaye umwanya wo kwishimira igitego ikipe ya Mukura VS kuko haciyemo iminota ibiri, maze Apr FC ibona igitego cya gatatu cyatsinzwe na rutahizamu Victor Mbaoma umukino urangira ari ibitego 3-2.

Ikipe ya APR FC ikomeje kwitegura imikino ya shampiyona ndetse na Caf Champions League mu ijonjora rya kabiri ahao tariki 13 Nzeri izahura na Pyramids kuri Stade Amahoro.
Mu gihe ikipe ya Mukura VS yitegura shampiyona izagaruka nyuma y’imikino ibiri y’ikipe y’Igihugu Amavubi yo gushaka itike y’igikombe cy’Afurika 2025 cyizabera muri Morocco, ifitanye na Libya tariki 4 Nzeri ndetse n’uwo izakiramo Nigera tariki 10 Nzeri kuri Stade Amahoro.