Nubwo Rayon Sports ifatwa nk’ikipe ikunzwe mu Rwanda kurusha izindi,ku mbuga nkoranyambaga nka Twitter na Instagram siko bimeze kuko irushwa na APR FC zombi uziteranyije.
APR FC
Benshi mu banyarwanda bemeza ko Rayon Sports ari yo kipe ikunzwe cyane mu Rwanda kandi bake gusa ni bo bakwizera ko iyi kipe ifite igikombe cya shampiyona imyaka 2 iheruka, APR FC,ariyo ifite abakunzi benshi ku mbuga nkoranyambaga zirimo Twitter na Instagram kurusha izindi kipe mu Rwanda.
Iyi kipe ifite (...)

Sponsored Ad

Nubwo Rayon Sports ifatwa nk’ikipe ikunzwe mu Rwanda kurusha izindi,ku mbuga nkoranyambaga nka Twitter na Instagram siko bimeze kuko irushwa na APR FC zombi uziteranyije.

APR FC

Benshi mu banyarwanda bemeza ko Rayon Sports ari yo kipe ikunzwe cyane mu Rwanda kandi bake gusa ni bo bakwizera ko iyi kipe ifite igikombe cya shampiyona imyaka 2 iheruka, APR FC,ariyo ifite abakunzi benshi ku mbuga nkoranyambaga zirimo Twitter na Instagram kurusha izindi kipe mu Rwanda.

Iyi kipe ifite abayikurikira kuri Twitter basaga 60 000 hamwe n’abayikurikira 51 600 kuri Instagram.

Rayon Sports

Rayon Sports abantu benshi bemeza ko ifite abafana benshi mu gihugu igitangaje ni iya kabiri ikurikirwa cyane mu Rwanda aho kuba iya mbere nkuko bivugwa aho ikurikirwa na 83 900 kuri Twitter ndetse kuri uru rubuga niyo ya mbere ariko iri hasi cyane kuri Instagram n’abantu 19 400.Uteranyije imbuga zombi,APR FC irayirusha cyane.

Konti yemewe y’ikipe ya Rayon Sports, bigaragara ko ifite abayikurikira bake ugereranije n’abakurikira konti z’abafana bayo

Urugero, imwe muri konti ya The Blues idasanzwe (@ rayonsportsfc_no1_ updatenews ikurikirwa n’ibihumbi 63 birenga.

AS Kigali

Imibare irerekana ko abakurikira AS Kigali ku mbuga nkoranyambaga biyongereye uko imyaka yagiye ihita bitewe n’abakoresha imbuga nkoranyambaga zayo n’abakunzi ba ruhago yakuruye kubera ahanini uko igenda yiyubaka no guhagararira igihugu mu gikombe cya CAF Confederation Cup.

Ikipe iterwa inkunga n’Umujyi wa Kigali ifite abayoboke 16 000 ku rubuga rwa Twitter hamwe n’abakurikirakonte y’ikipe yayo y’abagore 3 400 mu gihe iyi kipe ikurikirwa n’abantu 12 500 kuri Instagram.

Kiyovu SC

Kiyovu Sports iri mu makipe azwi cyane mu gihugu ndetse akuze,iratungurana kuko iri kure mu makipe akurikirwa cyane kandi yarahoranye abafana.

Icyakora iri mu makipe atanu ya mbere akurikiranwa cyane ku mbuga nkoranyambaga mu Rwanda kuko ifite 18 800 bayikurikira kuri Twitter na 7 800 kuri Instagram.

Mukura VS

Mukura niyo kipe yonyine iva hanze ya Kigali iri ku rutonde bituma iba iya gatanu mu makipe akurikiranwa cyane ku mbuga nkoranyambaga mu Rwanda.Abantu 14 200 bayikurikira kuri Twitter n’abandi 6 200 kuri Instagram.

Ku isi,Real Madrid miyo ikunzwe kurusha izindi na miliyoni 270.7 kuri izi mbuga, FC Barcelona ni iya kabiri na miliyoni 269.6, na Manchester United miliyoni 168.5.

Muri Afurika, Al Ahly ikurikirwa na miliyoni 38.9,Zamalek (miliyoni 14,6), Raja Casablanca (miliyoni 8.4) ), Kaizer Chiefs (miliyoni 6.8) hamwe na Simba SC yo muri Tanzaniya (miliyoni 5.9).