skol
Kigali

APR FC yanyagiye Marines FC ikoza imitwe y’intoki ku gikombe cya shampiyona

Imyidagaduro   Yanditswe na: Dusingizimana Remy 19 June 2021

Ikipe ya APR FC yahabwaga amahirwe menshi yo kunyagira Marines FC bahuje kuba bose ari amakipe ya gisirikare,ntiyatengushye abakunzi bayo kuko yayitsinze ibitego 6-0 mu gihe AS Kigali bahanganiye igikombe yatsinze Bugesera FC igitego 1-0.


Mu mukino w’umunsi wa 6 w’amakipe ahataniye igikombe cya shampiyona mu Rwana, wahuje APR FC na Marines FC i Huye,warangiye iyi kipe ifite ibikombe 18 bya shampiyona itsinze ibitego 6-0.

APR FC na AS Kigali zihataniye igikombe cya shampiyona,zakiniye isaha imwe ya saa cyenda n’igice ndetse igice cya mbere cyarangiye zose zinganya 0-0 n’aya makipe zahuye.

Mu gice cya kabiri,APR FC yatsindiwe igitego cya mbere na Manishimwe Djabel ku munota wa 55 ndetse iki gitego cyinjiriye mu gihe kimwe n’icyo AS Kigali yatsinze Bugesera FC cyatsinzwe na Nkinzingabo Fiston.

APR FC yahise itangira urugendo rwo kunyagira Marines FC aho Fitina Ombolenga yatsinze ikindi gitego hanyuma Byiringiro Lague atsinda ibitego 3.Uwatsinze igitego cya 6 cya APR FC ni Mugunga Yves.

AS Kigali yarushaga APR FC igitego mbere y’uyu mukino,yahagaritse gutsinda bituma ijya mu mazi abira kuko ubu irushwa ibitego 4 na APR FC.

Nubwo izi kipe zombi zinganya amanota 16,zitandukanyijwe n’ibitego 4 kandi itegeko rya FERWAFA rivuga ko iyo amakipe arangije shampiyona anganya amanota harebwa ibitego zizigamye.

Kugeza ubu,igikombe kiraca amarenga yo gutaha kwa APR FC,kikaba icya 19 itwaye,kuko ku munsi wa nyuma uzaba ku wa kabiri izahura na Rutsiro mu gihe AS Kigali izakira Police FC.

Imikino ibaye 37 Muri Shampiyona y’icyiciro cya mbere mu Rwanda nta kipe ibasha gutsinda APR FC byayigize ikipe ya mbere mu mateka ya shampiyona y’u Rwanda imaze igihe kinini idatsindwa.

Undi mukino wabaye uyu munsi,Police FC yatsinze ibitego 2-1 Espoir FC.

Uko urutonde ruhagaze:

1. APR FC 16 Pts (+ ibitego 14)
2. AS Kigali 16 Pts (+ ibitego 10)

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Silas

    Ngo yakojejeho imitwe y’intoki? Ahubwo tuvuge ko yakojejeho ibiganza.

    5 months ago
  • chat_bubble Emmy

    Hahahahahaha, AS Kigali niyihangane kuko APR ntiyabura igikombe mu irushanwa rya FERWAFA. Ariko nayo izina ryayo rizahera mu bya FERWAFA ntirizamenyekana muri CAF. Niba ikipe itwara itwara ibikombe idatsinzwe yakabaye inagaragaza ubukaka bwayo butuma idatsindwa no mu marushanwa ya FERWAFA. Ibi ni byo bituma ruhago yacu ibiha cyane. Pole sana kuri A.S Kigali ntako mutagize mwatweretse umupira mwiza kandi usukuye.

    5 months ago

Inzindi nkuru

Rayon Sports yatsinze Etoile de l’Est mu buryo butavuzweho rumwe /AS Kigali...

Ikipe ya Rayon Sports yaherukaga gutsindwa na APR FC ibitego 2-1 yatsinze...
27 November 2021 0

Ishuri ryigisha umupira rya PSG ryatangiye ku mugaragaro mu Rwanda havugwa...

Umuhango wo gutangiza ku mugaragaro mu Rwanda ishuri ryigisha umupira...
27 November 2021 0

Umutoza Manchester United izazana mu mpeshyi yamaze kumenyekana

Nyuma yo kubura Zinedine Zidane na Mauricio Pochettino,ikipe ya Manchester...
27 November 2021 0

Hagiye hanze amakuru y’umukinnyi watorewe kwegukana Ballon d’Or...

Amakuru akomeje gucaracara ku rubuga rwa Twitter aravuga ko Lionel Messi...
27 November 2021 0

Niyonzima Olivier "Seif" yasabye imbabazi nyuma yo guhagarikwa mu...

Umukinnyi Niyonzima Olivier uzwi nka "Seif" uheruka guhagarikwa mu ikipe...
26 November 2021 0

Ikipe imwe hagati ya Portugal n’Ubutaliyani ntizitabira igikombe cy’isi...

Hasohotse tombola y’uburyo amakipe y’i Burayi azahura mu mikino ya...
26 November 2021 0