APR FC yashyikirijwe igikombe cya shampiyona yatwaye muri shampiyona iheruka ya 2019-2020,itararangiye kubera icyorezo cya Covid-19 cyoretse isi yose.

Mbere y’umukino ufungura shampiyona wayihuje na Gorilla FC,APR FC yahawe igikombe na sheki ya miliyoni 25 FRW kuri Stade ya Huye.

Shampiyona umwka w’imikino wa 2019-2020 yahagaritswe muri Werurwe 2020 itarangiye bitewe n’icyorezo cya Coronavirus cyari cyageze mu Rwanda.

Icyo gihe shampiyona yahagaritswe tariki ya 14 Werurwe 2020 shampiyona yari imaze gukinwa imikino 23 gusa hari amakipe yari yamaze kuwukina.APR FC niyo yari iyoboye urutonde itaratsindwa umukino n’umwe.

Nyuma y’inama zabaye zitandukanye hashakwa uburyo shampiyona yasozwa,byemejwe ko APR FC ihabwa igikombe, tariki ya 21 Gicurasi 2020,maze amakipe abiri ya nyuma(Gicumbi FC na Heroes) amunuka mu cyiciro cya kabiri.

Iki ni igikombe cya 18 APR FC yegukanye, ni nyuma y’ibyo yegukanye mu 1994–95, 1996, 1999, 2000, 2001, 2003, 2005, 2006, 2006-07, 2008-09, 2009-10, 2010-11, 2011-2012, 2013-14, 2014-15, 2015-2016 na 2017-18.