skol
Kigali

APR FC yasuwe n’abayobozi bayo mbere yo gutangira urugamba rwo kwisubiza shampiyona

Imyidagaduro   Yanditswe na: Dusingizimana Remy 31 October 2021

Ku gicamunsi cyo kuri uyu wa Gatandatu ubuyobozi bwa APR FC bwasuye iyi kipe mbere y’uko itangira shampiyona yuyu mwaka wa 2021/2022.

Ubuyobozi bw’iyi kipe buyobowe n’umuyobozi w’icyubahiro w’iyi kipe Gen James Kabarebe ari kumwe n’umuyobozi wa APR FC Lt Gen Mubarakh Muganga ndetse n’umuyobozi wungirije Brig Gen Firmin Bayingana, umunyamabanga wiyi kipe Masabo Michel ubwo basuraga iyi kipe aho yari iri gukorera imyitozo ya nyuma yitegura umukino wa mbere wa shampiyona uzayihuza n’ikipe ya Gicumbi kuri iki cyumweru kuri sitade ya Kigali Nyamirambo bagize ubutumwa bagenera iyi kipe.

Umuyobozi wa APR FC Lt Gen Mubarakh Muganga yatangiye ashimira ikipe ya APR F.C mu bikorwa bitandukanye yagiye ikora anaha ikaze umuyobozi w’icyubahiro wa APR F.C Gen James Kabarebe.

Umuyobozi w’icyubahiro wa APR F.C yatangiye agira ubutumwa abaha nyuma yo gukina imikino ny’ Afurika, anakomeza agira ubutumwa abagenera mu kwitegura shampiyona.

Yagize ati ”Imikino mumaze gukina mu ruhando mpuzamahanga twarayibonye twahuye n’amakipe akomeye ariko yose yavuye hano mu Rwanda yiyushye akuya kubwo umupira babonye hano, hari ikintu kiza mumaze kugeraho kigaragarira buri umwe, kera amakipe yo hanze yazaga mu Rwanda aziko aje kuhatsindira ndetse n’ ibitego byinshi, ariko ubu ikipe iza iziko bitari buyorohere gutsindira hano ibyabaye kuri aya makipe aheruka hano murabizi.

Yego twagiye dutombora amakipe akomeye kandi ni nayo twashakaga, kuko iyo utomboye ikipe ikomeye nawe uba ushaka kwerekana urwego rwawe, iyo rero ukinnye n’amakipe mato uba usubiye inyuma. Ikipe ikomeye ya Tunisia twatomboye tumaze gukina nayo yabonye umupira twakinnye ko nta kipe byakorohera gukura amanota hano mu Rwanda uko yishakiye.

Yakomeje agira icyo asaba iyi kipe mbere yitangira rya shampiyona.

Yagize ati ”Tugiye gutangira shampiyona uko twashoje iy’ umwaka ushize ari nako bikomeza n’ ugutsinda ibitego byinshi ikipe yose tujya guhura nayo ikaba iziko APR F.C iyitsinda ibitego byinshi kandi ibyo ngibyo bizagerwaho kuko mufite abatoza beza ndetse n’ababafasha, tubifurije amahirwe tuzongere dutware igikombe.

APR FC iheruka kwegukana shampiyona inshuro 2 zikurikiranya idatsinzwe ndetse ubu igiye guhangana na AS Kigali nayo yiyubatse cyane.


APR FC yakoze imyitozo ya nyuma kuri uyu wa Gatandatu

Aprfc.rw

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rayon Sports yahagaritse umutoza wayo Masudi Djuma

Ikipe ya Rayon Sports yahagaritse Umutoza wayo mukuru, Masudi Djuma...
7 December 2021 0

Rayon Sports mu nzira zo kwirukana umutoza Masudi Djuma

Ubuyobozi bwa Rayon Sports bwatangiye gutekereza kuri gahunda yo kwirukana...
7 December 2021 0

"Ndumva mbabaye"-Robert Lewandowski avuga uko yakiriye kudahabwa Ballon...

Rutahizamu wa Bayern Munich,Robert Lewandowski,yahishuye ko afite agahinda...
7 December 2021 0

Suarez yahishuye impamvu ikomeye iri gutuma Messi atitwara neza muri...

Rutahizamu wa Atletico Madrid,Luis Suarez yatangaje ko impamvu iri gutuma...
6 December 2021 0

Masudi Djuma yahaye igisubizo abafana ba Rayon Sports bamusabiye...

Umutoza wa Rayon Sports,Masudi Irambona Djuma,yabwiye abafana ba Rayon...
6 December 2021 0

Umutoza wa Senegal yabwiye amagambo akomeye Klopp utoza Liverpool wibasiye...

Umutoza w’ikipe y’igihugu ya Senegal yasubije mu magambo akomeye umutoza wa...
6 December 2021 0