Ikipe ya APR FC yatsinze Etincelles igitego 1-0 mu mukino w’umunsi wa 23 wa shampiyona, yiyongera amahirwe yo kwegukana igikombe hacyiri kare.

Sponsored Ad

Igitego cya Sharaf Eldin Shaiboub Ali Abdelrahman ku munota wa 55, nicyo cyatumye APR FC itahana amanota atatu y’Umunsi wa 23 wa Shampiyona.

Uyu mukino wagoye iyi Kipe y’Ingabo nubwo Etincelles FC yaje ku mukino bigoranye kubera ibibazo by’amikoro ifite.

Mbere y’umukino, bivugwa ko buri mukinnyi wayo yahawe amafaranga 1200 Frw ndetse no gukodesha imodoka byagoranye.

Icyakora abakinnyi babaye abanyamwuga bakina uyu mukino nubwo batsinzwe na mbere y’uko uba.

Etincelles iheruka gutsinda APR FC muri shampiyona mu 2018.

Abanya Rubavu batangiye gutabariza Etincelles FC ndetse kuri uyu mukino bari bafite ibyapa bisaga Perezida Kagame na Guverineri w’Intara y’Iburengerazuba gufasha iyi kipe.

Rayon Sports idatsinze i Nyagatare kuri iki cyumweru, APR ishobora gutwara igikombe ku munsi wa 26 habura iminsi 4.

APR FC yagumye ku mwanya wa mbere igira amanota 52 irusha amanota icumi Rayon Sports ya kabiri.

Etincelles yagumye ku mwanya wa 15 n’amanota 22.

Uko urutonde ruhagaze nyuma y’umunsi wa 23:

1. APR FC 52 Pts (-1)
2. Musanze FC 44 Pts
3. Rayon Sports 42 Pts (-1)
.
.
14. Bugesera FC 22 Pts
15. Etincelles FC 22 Pts
16. Etoile De L’Est 16 Pts (-1)