APR FC yatsinze Police FC igitego 1-0 cya Ruboneka Bosco mu mukino w’Umunsi wa 17 wa Shampiyona, wabereye kuri Kigali Pele Stadium.

Bidatunguranye,APR FC niyo yatahanye amanota atatu cyane ko yigaruriye iyi Police F .

Ku munota wa 65,Ruboneka Bosco yongeye gukora nk’ibyo yakoze kuri AS Kigali, atsindira APR FC igitego ku mupira yahawe mu rubuga rw’amahina na Omborenga Fitina akinishije imoso.

APR FC itaratsindwa na rimwe muri shampiyona,yahise igira amanota 36 ku mwanya wa mbere, irusha Musanze FC ya kabiri amanota ane.

Police FC ni iya gatatu n’amanota 31.

Aya makipe amaze guhura inshuro 17 kuva mu 2015. APR FC ni yo yatsinze inshuro nyinshi [9] mu gihe Police FC yatsinze imwe, anganya 7.

Ikipe y’Ingabo ifite ikirarane yari guhuramo na Marines FC ku Munsi wa 16 wa Shampiyona.

Mu yindi mikino yabaye kuri iki Cyumweru, Muhazi United yanganyije na Gasogi United ubusa ku busa naho Marines FC inganya na Mukura VS igitego 1-1.

Urutonde:

1. Apr Fc 36pts
2. Musanze 33 Pts
3. Police 31 Pts
4. Rayon Sports 30pts