skol
Kigali

APR FC yegukanye igikombe cya 19 cya shampiyona ibifashijwemo n’ibitego

Imyidagaduro   Yanditswe na: Dusingizimana Remy 25 June 2021

Ikipe ya APR FC yegukanye igikombe cya 19 cya shampiyona nyuma yo gutsinda Rutsiro FC ibitego 6-0 mu mukino wa nyuma mu makipe 8 yashakaga igikombe cya shampiyona.


APR FC yegukanye igikombe cya shampiyona 2020-21 ibifashijwe n’ibitego byinshi yatsinze cyane ko yanganyije amanota 19 na AS Kigali.

APR FC yari yakiriye Rutsiro FC i Huye, yabonye igitego cya mbere ku munota wa 25 gitsinzwe na Biziamana Yanncik ku mupira yahawe na Nshuti Innocent,acenga myugariro ahita atera ishoti.

Yannick Bizimana yatsinze igitego cya kabiri ku munota wa 39 ku mupira yari ahawe na Manishimwe Djabel. Amakipe yombi yagiye kuruhuka ari 2-0.

Ku munota wa 50, Mugunga Yves wari winjiye mu kibuga asimbuye, Nshuti Innocent yatsindiye APR FC igitego cya 3 ku mupira yari ahawe na Lague.

Ku munota wa 57, Ndayishimiye Dieudonne yahawe umupira na Bosco yinjira mu rubuga rw’amahina ahinduye umupira, Maombi Jean Pierre aritsinda biba 4.

Ruboneka Bosco yacomekeye umupira mwiza Ndayishimiye Dieudonne ku munota wa 71 maze yinjira mu rubuga rw’amahina rwa Rutsiro ahita atsinda igitego cya 5.

Ku munota wa 88 Byiringiro Lague yatsinze igitego cy’agashinguracumu ahita anasezera kuri iyi kipe kuko agiye guhita yerekeza mu cyiciro cya 2 mu Busuwisi. umukino warangiye ari 6-0.

Umutoza w’iyi kipe Adil Erradi Mohammed yashyizeho agahigo ko kwegukana igikombe cya shampiyona inshuro 2 yikurikiranya adatsinzwe umukino n’umwe.

AS KIGALI yashoje ku mwanya wa 2 muri Rwanda Premier League, izahagararira u Rwanda muri CAF Confederation Cup muri season ya 2021/2022.

Isoje itsinze imikino 6/7, inganya 1. yatsinze ibitego 14, yinjizwa 2.

Rayon Sports yatsinzwe ibitego 3-1 na Espoir FC bituma irangiza ku mwanya wa 7 muri shampiyona y’U Rwanda n’amanota 5. Mu cyiciro cy’amakipe 8 yahataniraga igikombe yabashije gutsinda umukino 1, inganya 2 itsindwa 4.

Uko imikino yose yagenze:

APR FC 6-0 Rutsiro FC
AS Kigali 2-0 Police FC
Marines 2-1 Bugesera FC
Rayon Sports 1-3 Espoir FC

Urutonde rwa nyuma:

1. APR FC 19 Pts (+20 Goals)
2. AS KIGALI 19 Pts (+12 Goals)
3. Espoir FC 10 Pts
4. Police FC 8 Pts
5. Marines FC 7 Pts
6. Rutsiro FC 6 Pts
7. Rayon Sports 5 Pts
8. Bugesera FC 4 Pts



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FC Barcelona igiye kuvugurura stade yayo kugira ngo izakire Abantu 110.000...

Perezida wa FC Barcelona, Joan Laporta yemeje iyi kipe izava ku kibuga cya...
18 October 2021 0

AS Kigali yakoreye amakosa i Kigali imbere ya DCMP yo muri RDC

Ikipe ya AS Kigali yakoze amakosa itsindirwa mu rugo na Darling Club Motema...
17 October 2021 0

Abafaransa batangaje umukinnyi wabo bifuza ko yatwara Ballon d’Or utari...

Ubushakashatsi bwakozwe na Odoxa bagatangazwa naKeneo na RTL,ku itsinda...
17 October 2021 0

Jurgen Klopp yemeje ko Mohamed Salah ariwe ’mukinnyi wa mbere mwiza’ ku...

Umutoza wa Liverpool Jurgen Klopp yavuze ko Mohamed Salah ari we mukinnyi...
17 October 2021 0

Mauro Icardi wa PSG biravugwa ko amerewe nabi cyane n’umugore...

Umugore uzwi cyane ku mbuga nkoranyambaga kubera amashusho yambaye ubusa...
17 October 2021 0

Umwe mu bakinnyi ba Manchester United yanenze imitoreze ya Ole

Umukinnyi wo hagati,Paul Pogba,yashyize igitutu ku mutoza we, Ole Gunnar...
17 October 2021 0