Ikipe ya APR FC yatangaje ko itazitabira irushanwa rya CECAFA Kagame Cup 2021 rizakinwa muri Kanama aho yagombaga guhagararira u Rwanda kuko ariyo yatwaye igikombe.
Ku wa Kane, tariki ya 22 Nyakanga 2021, Impuzamashyirahamwe y’Umupira w’Amaguru mu Karere ka Afurika y’Uburasirazuba n’iyo Hagati (CECAFA) yatangaje ko APR FC iri mu makipe 10 azitabira irushanwa rizabera muri Tanzania hagati ya tariki ya 1 n’iya 15 Kanama 2021.
Nyuma y’amasaha make, Visi Perezida wa APR FC, Brig Gen Firmin (...)

Sponsored Ad

Ikipe ya APR FC yatangaje ko itazitabira irushanwa rya CECAFA Kagame Cup 2021 rizakinwa muri Kanama aho yagombaga guhagararira u Rwanda kuko ariyo yatwaye igikombe.

Ku wa Kane, tariki ya 22 Nyakanga 2021, Impuzamashyirahamwe y’Umupira w’Amaguru mu Karere ka Afurika y’Uburasirazuba n’iyo Hagati (CECAFA) yatangaje ko APR FC iri mu makipe 10 azitabira irushanwa rizabera muri Tanzania hagati ya tariki ya 1 n’iya 15 Kanama 2021.

Nyuma y’amasaha make, Visi Perezida wa APR FC, Brig Gen Firmin Bayingana, yatangarije Royal FM ko batazitabira iryo rushanwa kubera ingamba zo kwirinda COVID-19 ndetse iyi kipe ikaba itaratangira imyitozo.

Ati “Igisubizo buri Munyarwanda wese yakabaye akibona kubera ibihe bidasanzwe turimo kubera COVID-19. Ntaho twahera, ubu turi muri Guma mu Rugo kandi muzi icyo isobanuye. Uretse no kuba tutaratangira imyitozo, ntabwo Ikipe y’Igihugu y’Abana yananirwa kwitabira imikino kubera ibi bihe ngo twe tujyeyo.”

Iri rushanwa rihuza amakipe yo mu bihugu 12 byo mu Karere ka Afurika y’Uburasirazuba n’iyo Hagati, riterwa inkunga na Perezida Kagame guhera mu 2002, aho ashyiramo inkunga y’ibihumbi $60 agabanywa amakipe atatu ya mbere.

Amakipe asigaye ashobora gukina iri rushanwa haimo Express & KCCA (Uganda), Young Africans & Azam FC (Tanzania), Tusker FC (Kenya), Le Messager Ngozi FC (Burundi), Altabara FC (Sudani y’Epfo), KMKM SC (Zanzibar) na Big Bullets (Malawi).