Ikipe y’ingabo z’igihugu,APR FC,yaraye ikoreye imyitozo ya nyuma kuri stade ya Huye isanzwe ikiniraho Mukura VS barahura uyu munsi ariko inkuru yabayemo nuko abatoza b’iyi kipe y’i Huye baje kureba iyi myitozo basabwa gusohoka bakabyanga.
Mbere yo guhura n’ikipe ya Mukura Victory Sports ,mu mukino w’umunsi wa 21 wa shampiona y’icyiciro cya mbere utegerejwe kuri iki cyumweru kuri sitade mpuzamahanga ya Huye ku isaha yi saa cyenda zuzuye (15h00),APR FC yatiye iki kibuga ngo ihitoreze irabyemererwa (...)

Sponsored Ad

Ikipe y’ingabo z’igihugu,APR FC,yaraye ikoreye imyitozo ya nyuma kuri stade ya Huye isanzwe ikiniraho Mukura VS barahura uyu munsi ariko inkuru yabayemo nuko abatoza b’iyi kipe y’i Huye baje kureba iyi myitozo basabwa gusohoka bakabyanga.

Mbere yo guhura n’ikipe ya Mukura Victory Sports ,mu mukino w’umunsi wa 21 wa shampiona y’icyiciro cya mbere utegerejwe kuri iki cyumweru kuri sitade mpuzamahanga ya Huye ku isaha yi saa cyenda zuzuye (15h00),APR FC yatiye iki kibuga ngo ihitoreze irabyemererwa ariko abatoza ba Mukura VS baje kureba iyo myitozo barasohorwa barabyanga bitera umwuka mubi.

Aba batoza ba Mukura VS barimo na Tony Hernandez baje gusohoka ariko babanje kubyanga,ibintu bikomeje gutera impaka mu bakunzi ba ruhago.

Bamwe bavuga ko ibyo aba batoza bakoze bari bafite ishingiro kuko Stade ari iyabo ndetse ntabwo muri shampiyona ari ngombwa ko witoreza ku kibuga cy’uwo muzahura.

Mu mikino nyafurika nka Champions League na Confederations Cup nibwo ikipe iba yemerewe gukorera imyitozo ku kibuga izakiniraho ku isaha umukino uzaberaho.

APR FC ariyo iyoboye urutonde rwa Shampiyona aho inganya amanota 44 n’ikipe ya Kiyovu Sports iyikurikiye.