skol
Kigali

APR FC yungukiye ku burangare bwa Kiyovu Sports yegukana igikombe cya 20 cya shampiyona

Imyidagaduro   Yanditswe na: Dusingizimana Remy 16 June 2022

Ikipe ya APR FC yatsinze Police FC ibitego 2-0 mu mukino w’umunsi wa nyuma wa shampiyona,yegukana igikombe cya shampiyona ku nshuro ya 3 yikurikiranya ndetse inaba inshuro yayo ya 20 mu myaka 29 imaze ishinzwe.

Nyuma yo gutsindwa na AS Kigali ibitego 2-0 mu mukino uheruka, APR FC yashoboraga gutakaza iki gikombe yungikiye mu burangare bwa Kiyovu Sports yananiwe gutsinda Espoir FC bakanganya 0-0,itwara iki gikombe uyu munsi.

APR FC yasabwaga gutsinda uyu mukino byanze bikunze kuko wari wabereye rimwe n’uwa Kiyovu Sports na Marines FC,yafunguye amazamu ku munota wa 53’ ibifashijwemo na Mugisha Gilbert ku ishoti rikomeye yatereye inyuma y’urubuga rw’amahina, Ndayishimiye Eric ’Bakame’ akananirwa kuwukuramo.

APR FC imaze imyaka isaga 10 idatsindwa na Police FC muri shampiyona,yashimangiye intsinzi ku munota wa 90 ku gitego cya 2 nabwo cyatsinzwe na Mugisha Gilbert ku ishoti rikomeye yarekuriye inyuma y’urubuga rw’amahina rigakubita umutambiko rigahita riruhukira mu rushundura.

APR FC yasabwa gutsinda uyu mukino wa Police FC kugira ngo yegukane Igikombe cya Shampiyona ya 2021/2022,cya 20 yegukanye cyane ko Kiyovu Sports yashoboraga kuyica mu rihumye.

Ku rundi ruhande, Kiyovu Sports yatereye amahirwe i Rusizi,yari yakiriye Marines FC i Muhanga iyitsinda ibitego 2-0 nayo,byose byinjiye mu gice cya kabiri bitsinzwe na Bigirimana Abedi na Emmanuel Okwi.

Kiyovu Sports yakoze amakosa menshi mu mikino ya nyuma ya shampiyona aho yanganyije na Etoile de l’Est,Bugesera FC na Espoir FC,yashakaga gutsinda umukino wayo na Marines FC hanyuma igategereza ko APR FC yatsikira,ariko byarangiye imenye ko nta mugabo ugwa mu cyobo kabiri.

Kiyovu Sports niyo kipe yari ifite amahirwe yo kwegukana shampiyona uyu mwaka,ariko ubunararibonye bwayo buke kuri uru rugamba byatumye ikomeza kugumana icyo iheruka mu 1993.

APR FC yegukanye igikombe nyuma yo kuyobora urutonde rwa shampiyona n’amanota 66 mu gihe Kiyovu Sports yarangije ku mwanya wa kabiri ifite amanota 65 mu mikino 30 yakinwe.

Iki gikombe APR FC yegukanye, gisanze icyo mu 1995, 1996, 1999, 2000, 2001, 2003, 2005, 2006, 2006/07, 2008/09, 2009/10, 2010/11, 2011/12, 2013/14, 2014/15, 2015/16, 2017/18, 2019/20 na 2020/2021.

Nyuma ya Gicumbi FC yamanutse mu Cyiciro cya Kabiri mu minsi ishize, Etoile de l’Est byari byazamukanye na yo yayisanzeyo. Ni nyuma yo gutsindwa ibitego 2-0 na AS Kigali mu mukino wabereye kuri Stade ya Kigali i Nyamirambo saa 12 n’Igice.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mohamed Salah yahawe akayabo k’Umushahara yongera amasezerano muri...

Umukinnyi Mohamed Salah yongereye amasezerano mu ikipe ya Liverpool kugeza...
1 July 2022 0

Mbappe yatunguranye kubera amagambo yavuze kuri Cristiano Ronaldo na...

Rutahizamu wa PSG,Kylian Mbappe avuga ko kugera ku rwego rwa Messi na...
1 July 2022 0

Imipira izakinwa mu gikombe cy’Isi 2022 yashyizwemo ikoranabuhanga rifasha...

Impuzamashyirahamwe y’Umupira w’amaguru ku isi [FIFA] yemeje ko hazifashishwa...
1 July 2022 0

PSG yasinyishije umukinnyi wa mbere muri iyi mpeshyi

Ikipe ya PSG yatangaje ko yasinyishije Vítor Machado Ferreira "Vitinha"...
1 July 2022 0

Mashami Vincent yabonye akandi kazi nyuma yo kwirukanwa mu Mavubi

Umutoza Mashami Vincent yamaze kwerekeza mu ikipe ya Police FC nk’umutoza...
1 July 2022 0

Kizigenza Chris Froome ari gushakira u Rwanda inkunga yo kubaka ikigo...

Umunyabigwi mu mukino wo gusiganwa ku magare,Chris Froome,watwaye Tour de...
1 July 2022 0