Ikipe ya APR FC yatangiye shampiyona 2017-2018 itsinda ikipe ya Sunrise 2-0,mu gihe ikipe ya Police FC yanyagiwe na Etincelles FC ibitego 3-1.
Ikipe ya APR FC yabaye iya 3 umwaka ushize yahiriwe n’intangiriro za shampiyona y’u Rwanda ya 2017-2018,aho yatsinze Sunrise ibitego 2-0 byatsinzwe na Hakizimana Muhadjiri ku munota wa 46 ku mupira mwiza yaherejwe na Dennis Rukundo mu gihe igitego cya kabiri cyitsinzwe na Mushimiyimana Regis ku munota wa 78 ku mupira wari uhinduwe imbere y’izamu na (...)

Sponsored Ad

Ikipe ya APR FC yatangiye shampiyona 2017-2018 itsinda ikipe ya Sunrise 2-0,mu gihe ikipe ya Police FC yanyagiwe na Etincelles FC ibitego 3-1.

Ikipe ya APR FC yabaye iya 3 umwaka ushize yahiriwe n’intangiriro za shampiyona y’u Rwanda ya 2017-2018,aho yatsinze Sunrise ibitego 2-0 byatsinzwe na Hakizimana Muhadjiri ku munota wa 46 ku mupira mwiza yaherejwe na Dennis Rukundo mu gihe igitego cya kabiri cyitsinzwe na Mushimiyimana Regis ku munota wa 78 ku mupira wari uhinduwe imbere y’izamu na Issa Bigirimana.

Nubwo ikipe ya Sunrise yavugwagamo ibibazo,yatunguye abakunzi b’umupira w’amaguru mu Rwanda cyane ko yagerageje gukina umupira mwiza ndetse igenda ihusha uburyo bukomeye gusa ikipe ya APR FC nk’ikipe nkuru yabashije gutsinda uyu mukino.

Ikipe ya Etincelles FC yanyagiye ikipe ya Police FC ibitego 3-1,mu mukino wabereye kuri stade Umuganda mu karere ka Rubavu mu gihe ikipe ya Mukura VS yatsindiye Kirehe FC igitego 1-0 cyatsinzwe na Mutebi Rachid.

Uko imikino yagenze
APR F.C 2-0 Sunrise
Etincelles FC 3-1 Police
Gicumbi 2 - 0 Espoir
Kirehe 0 -1 Mukura