Ikipe ya Arsenal niyo imaze gutanga amafaranga menshi muri iri soko ryo kugura no kugurisha abakinnyi ririmbanyije ku isi.

Iri soko ryo mu mpeshyi niryo ritangwamo amafaranga menshi cyane mu makipe ariyo mpamvu Arsenal imaze kurishoramo arenga miliyoni 211 z’amayero mu kugura abakinnyi.

Mu bo yaguze harimo Declan Rice yaguze miliyoni zirenga 110 z’amayero,Kai Havertz,Jurrien Timber ndetse iri hafi kuzana umunyezamu David Raya.

Jude Bellingham niwe waguzwe amafaranga menshi kuri iri soko kuko yishyuwe miliyoni 115 z’amapawundi ava muri Borussia Dortmund yerekeza muri Real Madrid.Nta wundi mwongereza waguzwe ako kayabo mu mateka.

Amakipe 4 yo muri Saudi Arabia bwa mbere yaje mu icumi yashoye akayabo nyuma yo kugura ibikomerezwa nka Karim Benzema, Roberto Firmino, N’Golo Kante, Sadio Mane, Fabinho na Jordan Henderson

Ikinyamakuru Transfermarkt,cyashyize hanze urutonde rw’amakipe 10 amaze gushora akayabo ku isoko.Amafaranga yabaruwe mu mamiliyoni y’amayero.

Urutonde:

10. Al Ittihad - Saudi Arabia - €75.8 million

9. Al Nassr - Saudi Arabia - €80 million

8. Al Ahli - Saudi Arabia - €80.7 million

7. Aston Villa - England - €85.1 million

6. Manchester United - England - €91.2 million

5. Real Madrid - Spain - €124.5 million

4. Tottenham Hotspur - England - €124.7 million

3. Paris Saint Germain - France - €128 million

2. Al Hilal - Saudi Arabia - €161.2 million

1. Arsenal - England - €211.7 million