Hashyizwe hanze urutonde rw’uko amakipe akomeye ku mugabane w’I Burayi mu mupira w’amaguru arutanwa kugira agaciro kenshi mu mupira w’amaguru aho ku isonga hari ikipe yo muri Premier League ya Manchester City.
Mu makipe 10 ya mbere ku rutonde,harimo 5 yo mu Bwongereza cyane ko yaniyubatse cyane muri iyi mpeshyi.
Paris Saint Germain iheruka kugura kizigenza Lionel Messi,yaje ku mwanya wa 3 ica ku bigugu bitandukanye birimo na United.
Manchester City ya mbere ku isi mu makipe afite abakinnyi (...)

Sponsored Ad

Hashyizwe hanze urutonde rw’uko amakipe akomeye ku mugabane w’I Burayi mu mupira w’amaguru arutanwa kugira agaciro kenshi mu mupira w’amaguru aho ku isonga hari ikipe yo muri Premier League ya Manchester City.

Mu makipe 10 ya mbere ku rutonde,harimo 5 yo mu Bwongereza cyane ko yaniyubatse cyane muri iyi mpeshyi.

Paris Saint Germain iheruka kugura kizigenza Lionel Messi,yaje ku mwanya wa 3 ica ku bigugu bitandukanye birimo na United.

Manchester City ya mbere ku isi mu makipe afite abakinnyi bahenze,iheruka gutsindwa igitego 1-0 na Tottenham muri shampiyona.

Iyi kipe iheruka kugura Jack Grealish akayabo ka miliyoni 100 z’amapawundi ariko abakinnyi bayo babanza mu kibuga bafite agaciro ka miliyoni £530 mu gihe abicara ku ntebe y’abasimbura ku mukino uheruka bo bari bafite agaciro ka miliyoni 300 z’amapawundi.

Transfermarket ivuga ko City ifite ikipe ifite agaciro ka miliyoni 955.6 z’amapawundi.

Ikipe ya kabiri ku rutonde ni Chelsea ya Tuchel iheruka kugura Lukaku akayabo ka miliyoni 97.5 z’amapawundi.Abakinnyi bose ba Chelsea bafite agaciro ka miliyoni 898.2 z’amapawundi.

PSG iri ku mwanya wa 3 na miliyoni £894.4 z’amapawundi,iheruka kugura Messi, Sergio Ramos, Gianluigi Donnarumma, Achraf Hakimi na Georginio Wijnaldum.

Arsenal yahoze mu makipe 10 ku isi,ubu ntikiri hafi y’ibi bigugu kuko ubu iri ku mwanya wa 16 inyuma ya Leicester mu gihe iri imbere imyanya 2 ya Everton.

Nta kipe n’imwe yo mu Butaliyani yaje mu makipe 10 yaba na Juventus ya Cristiano Ronaldo.

Uko amakipe akurikiranye mu kugira ikipe zihenze