skol
Kigali

Arsenal ntizakoresha Mesut Ozil n’abandi bakinnyi 2 bakomeye muri Europa League

Imyidagaduro   Yanditswe na: Dusingizimana Remy 8 October 2020

Ikipe ya Arsenal yamaze gushyira hanze urutonde rw’abakinnyi izakoresha mu mikino ya Europa League 2020/2021 batarimo Mesut Ozil uhembwa amafaranga menshi kurusha abandi mu ikipe na ba myugariro barimo Sokratis na William Saliba.


Mu rutonde iyi kipe yatanze uyu munsi,ntihagaragayeho Mesut Ozil uhembwa ibihumbi 350 by’amapawundi ku cyumweru,ufitanye ibibazo bitazwi n’ubuyobozi bw’ikipe ndetse hari n’amakuru avuga ko atazakina muri Premier League uyu mwaka.

Mesut Ozil w’imyaka 31 yanze kuva muri iyi kipe avuga ko nta muntu n’umwe ushobora kumugurisha ahubwo azubahiriza amasezerano ye y’imyaka 4 yasinye.

Kuva Guma mu rugo yakurwaho muri Kamena uyu mwaka,Ozil ntarakina n’umunota n’umwe muri Arsenal ndetse we avuga ko ibi ntacyo bimutwaye igihe nikigera azahabwa amahirwe ndetse akitwara neza.

Mu minsi ishize,Arteta yavuze ko uyu Mudage ukomoka muri Turkia atari ku rwego amwifuzaho ugereranyije n’abakinnyi ari gukoresha.

Mikel Arteta yagize ati “Mubona ko abakinnyi dukoresha bari ku rwego rwo hejuru ndetse uretse na Mesut,buri mukinnyi wese agowe no kwinjira mu bakinnyi bagomba gukina.Buri cyumweru tugerageza gutoranya abakinnyi beza.

Nejejwe nuko abakinnyi bari kwitwara n’ukuntu bari kugora cyane abatoza mu guhitamo abagomba gukina.Biragoye kuri bamwe kuba bakina muri Premier League no kuba bari gukina nimugoroba.Dufite ikipe y’abakinnyi 26,27 kandi ntitwabasha kubaha bose umwanya uhagije wo gukina.Ntoranya abakinnyi bari mu bihe byiza.”

Mesut Ozil ashobora kuba atazongera kugaragara mu ikipe ya Arsenal kuko ngo no mu rutonde rw’abakinnyi bagomba gukina Premier League rugomba gutangwa bitarenze kuwa 20 Ukwakira 2020,ashobora kutazarugaragaraho.

Abandi bakinnyi batagaragaye ni Sokaratis wagombaga kugurishwa mu mpeshyi ishize muri Napoli ntibikunde na William Saliba ushobora gutizwa mu kiciro cya kabiri.

Abakinnyi Arsenal izakoresha muri Europa League 2020/2021:

Abazamu: Bernd Leno, Runar Runarsson, Matt Macey, James Hillson, Dejan Iliev

Myugariro: Hector Bellerin, Gabriel, Rob Holding, Cedric Soares, Shkodran Mustafi, Calum Chambers, Pablo Mari, David Luiz, Sead Kolasinac, Kieran Tierney

Abo hagati: Dani Ceballos, Willian, Ainsley Maitland-Niles, Thomas Partey, Mohamed Elneny, Granit Xhaka

Ba Rutahizamu: Alexandre Lacazette, Pierre-Emerick Aubameyang, Nicolas Pepe,Reiss Nelson, Bukayo Saka, Joe Willock and Emile Smith Rowe are all included as homegrown players.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza Tuchel yakoze benshi ku mutima kubera ibyo yakoreye umukozi we wo...

Umutoza wa Chelsea,Thomas Tuchel,yakoze benshi ku mutima kubera igikorwa...
17 September 2021 0

Reece James ari guhigisha uruhindu abajura bateye urugo rwe bamwiba...

Myugariro wa Chelsea n’Ubwongereza,Reece James yashyize hanze amashusho...
17 September 2021 0

Abafana ba Leicester n’aba Napoli bakozanyijeho nyuma y’umukino...

Umukino wahuje Leicester na Napoli muri Europa League warangijwe n’intambara...
17 September 2021 0

Volleyball:Nigeria na Maroc zareze u Rwanda gukinisha Abanya Brazil...

Umukino w’ u Rwanda na Senegal mu gikombe cya Afurika cya Volleyball mu...
16 September 2021 0

Cristiano Ronaldo yimutse mu nzu y’akataraboneka yari atuyemo kubera urusaku...

Umunyabigwi muri ruhago,Cristiano Ronaldo n’umuryango we bimutse mu nzu...
16 September 2021 0

PSG ifite ubusatirizi buteye ubwoba yananiwe gutsinda Club Brugge muri...

Ikipe ya PSG ihabwa amahirwe menshi yo kwegukana igikombe cya Champions...
16 September 2021 0