skol
Kigali

Arsenal yaguze umukinnyi watumye irenza miliyoni 100 z’amapawundi muri iyi mpeshyi

Imyidagaduro   Yanditswe na: Dusingizimana Remy 20 August 2021

Ikipe ya Arsenal yamaze gusinyisha imyaka 4 umukinnyi Martin Ødegaard nyuma yo kumvikana na Real Madrid kumugura miliyoni 35 z’amayero zizagera kuri miliyoni 40 z’amayero bitewe nuko azagenda yitwara.

Amakuru avuga ko uyu musore yaraye asinye amasezerano y’imyaka 4 ishobora kuziyongeraho umwaka umwe niyitwara neza.Martin Ødegaard yahawe nimero 8 yari ifitwe na Ceballos mu mwaka w’imikino ushize.

Martin Ødegaard yaje muri Arsenal ayizi neza kuko guhera mu kwezi kwa mbere yayikinnyemo nk’intizanyo ya Real Madrid ayikinira imikino 20 mu marushanwa yose.

Uyu mukinnyi ufasha ba rutahizamu yibukwa ku gitego yatsinze muri Premier League ishize ubwo Arsenal yatsindaga Tottenham Hotspur ibitego 2-1 kuri Emirates Stadium.

Uyu musore w’imyaka 22 yatangiye gukina umupira mu ikipe ya Stromsgodset, ku myaka 15 muri Mata 2014, bituma aba umukinnyi muto cyane ukinnye muri shampiyona y’icyiciro cya mbere cya Norway.

Yaje kwerekeza muri Real Madrid muri Mutarama 2015 hanyuma ayikinira bwa mbere muri Gicurasi 2015 nk’umukinnyi ukiri muto.

Mu myaka 3 ishize guhera muri 2017/18, Martin yatijwe mu makipe nka Heerenveen,Vitesse Arnhem zo mu Buholandi hanyuma anaza muri Espagne muri Real Sociedad muri 2019/20, aho yayifashije kugera ku mukino wa nyuma wa Copa Del Rey.

Uyu musore amaze gukinira igihugu cye imikino 30 guhera muri Kanama 2014.Uyu musore niwe mukinnyi muto cyane kurusha abandi bose wakiniye ikipe nkuru y’igihugu ku myaka 15 n’iminsi 253.

Uyu musore arakurikirwa n’umunyezamu Aaron Ramsdale nawe wamaze kumvikna na Arsenal mu gihe iyi kipe iri kurwana no kwirukana abakinnyi nka Willian, Torreira, Bellerin, Kolasinac.

Abakinnyi Arsenal imaze kugura:

Ben White (Brighton, £50m)

Martin Odegaard (Real Madrid, £30m)

Albert Sambi Lokonga (Anderlecht, £15.75m)

Nuno Tavares (Benfica, £7.2m)




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rayon Sports yashyizeho Kapiteni mushya usimbura Rugwiro Herve...

Kuri iki Cyumweru tariki ya 24 Ukwakira 2021, nibwo habaye uyu muhango...
25 October 2021 0

Cristiano Ronaldo yabwiye amagambo akomeye abafana ba United nyuma yo...

Umunyabigwi wa Manchester United,Cristiano Ronaldo yabwiye abafana ba...
25 October 2021 0

Inkweto Micheal Jordan yakinanye bwa mbere muri NBA zaguzwe akayabo...

Inkweto zambawe n’icyamamare muri Basketball Michael Jordan zaguzwe ku...
25 October 2021 0

Agahinda k’umugore wa Kobe Bryant wamenye iby’urupfu rw’umugabo we ku mbuga...

Vanessa Bryant, umupfakazi wa Kobe Bryant, yavuze ko yamenye iby’urupfu...
25 October 2021 0

Uko byiriwe mu mikino: AS Kigali yasezerewe na Motema Pembe,Real Madrid...

Kuri iki cyumweru habaye imikino itandukanye yaba mu marushanwa ya CAF...
24 October 2021 0

Umutoza Soskjaer yahaye ubutumwa bukomeye abakinnyi ba United mbere yo...

Umutoza wa Manchester United,Ole Gunnar Solskjaer yahaye abakinnyi be...
24 October 2021 0