Umutoza w’umunya Espagne, Mikel Arteta yongereye amasezerano mu ikipe ya Arsenal azageza muri Kamena 2025 nyuma yo kuyigeramo muri 2019 asimbuye Unai Emery.
Nkuko byatangajwe ku rubuga rwa Arsenal,uyu mugabo wagerageje kubaka iyi kipe mu myaka isaga 3 yari ayimaze,yongerewe amasezerano.
Yasinyiye rimwe n’umutoza Jonas Eidevall ukomoka muri Sweden,utoza ikipe ya Arsenal y’abagore.
Iyi kipe yagize iti "Twishimiye kubamenyesha ko Mikel Arteta na Jonas Eidevall basinyiye iyi kipe amasezerano (...)

Sponsored Ad

Umutoza w’umunya Espagne, Mikel Arteta yongereye amasezerano mu ikipe ya Arsenal azageza muri Kamena 2025 nyuma yo kuyigeramo muri 2019 asimbuye Unai Emery.

Nkuko byatangajwe ku rubuga rwa Arsenal,uyu mugabo wagerageje kubaka iyi kipe mu myaka isaga 3 yari ayimaze,yongerewe amasezerano.

Yasinyiye rimwe n’umutoza Jonas Eidevall ukomoka muri Sweden,utoza ikipe ya Arsenal y’abagore.

Iyi kipe yagize iti "Twishimiye kubamenyesha ko Mikel Arteta na Jonas Eidevall basinyiye iyi kipe amasezerano mashya.

Twagize akanya kadasanzwe ko gusinyisha aba bombi kuri Stade ya Emirates.

Mikel nyuma yo kongera amasezerano azarangirana n’umwaka w’imikino 2024/25 yagize ati: "Ndanezerewe, ndishimye cyane, ndishimye rwose uyu munsi."

Ku cyerekezo cy’ikipe,Mikel yagize ati: “Turashaka kugeza iyi kipe ku rwego rwo hejuru no guhatana rwose n’amakipe akomeye. Kugira ngo dukore ibyo, tugomba gukina muri Champions League. Tugomba guteza imbere ikipe, kuzamura abakinnyi bacu, kunoza inzego zose ndetse no kurushaho guhuza n’abafana bacu, kuzamura ibyishimo kuri Emirates, gushobora kugura impano zo hejuru cyane n’abantu beza muri iyi kipe kugira ngo bageze uyu mushinga kuri urwo rwego. ”

Arteta yamaze imyaka 5 akinira Arsenal guhera 2011 kugeza 2016 aza kuyibera na kapiteni gusa nyuma yaho yahise asezera ku mupira ajya kuba umutoza wungirije wa Pep Guardiola muri Manchester City,bamarana imyaka 3.

Mu myaka isaga 3 gusa Mikel amaze mu ikipe ya Arsenal nta na handi hantu yatoje,yayihesheje igikombe cya FA Cup atsinze ibigugu byose mu Bwongereza hanyuma anatwara Community Shield.

Nta gihindutse,uyu mwaka w’imikino ushobora kuzarangira agaruye Arsenal mu makipe 4 ya mbere aho ishobora kuzakina imikino ya UEFA Champions League.

Arsenal isigaje imikino 4 muri Premier League irimo uwa Leeds,Tottenham,Newcastle na Everton.Kugeza ubu iri ku mwanya wa 4.

Arteta aheruka gutsinda imikino 3 yikurikiranya irimo uwa Chelsea,Manchester United na Westham.