skol
Kigali

Arsene Wenger yahishuye ibyo benshi batamenye kuri gahunda yo kugura Cristiano Ronaldo

Imyidagaduro   Yanditswe na: Dusingizimana Remy 12 October 2020

Umutoza Arsene Wenger watoje Arsenal imyaka isaga 22 yavuze ko ikintu cya mbere yicuza muri iyi myaka yose ari uko ataguze Cristiano Ronaldo ariko ngo yari yageze ku kibuga cya Arsenal ndetse banamutangarije mu myitozo.


Arsene Wenger yavuze ko Cristiano Ronaldo yamuciye mu myanya y’intoki ndetse ngo aricyo kintu gikomeye yicuza gusa yemeza ko uyu munyabigwi w’umunya Portugal yageze ku kibuga cy’imyitozo cya Arsenal ndetse ngo yanahawe n’umwenda w’ikipe mbere gato y’uko asinya.

Mu mpeshyi ya 2003,amakipe akomeye yashakaga Cristiano Ronaldo ariko ku isonga hari Arsenal yari yaramurambagije ndetse na Arsene Wenger yari yamaze kumvikana na Sporting yakiniraga.

Wenger yavuze ko mbere y’uko Cristiano Ronaldo yerekeza muri Manchester United yabanje kugera ku kibuga cy’imyitozo cya Arsenal,asangira nawe ari kumwe na nyina Dolores ndetse ngo yanahawe umupira w’ikipe mbere y’uko asinya.

Wenger aganira n’ikinyamakuru The Guardian yabajijwe abakinnyi yicuza kub ataraguze agira ati “Ntabwo ari umwe ahubwo ni 50.Ku rundi ruhande,uwo byari hafi cyane ni Cristiano Ronaldo wasinyiye Manchester United.

Twagiranye amasezerano na Sporting hanyuma Manchester United itwara Carlos Queiroz nk’umutoza wungirije hanyuma bahise bazamura amafaranga twifuzaga kumutangaho baramutwara gusa twari twumvikanye.

Yahawe umupira w’ikipe ndetse twarasangiye we na nyina ku kibuga cy’imyitozo cyacu.Urwo n’urugero rumwe ariko hari n’izindi.Ikipe ikomeye iba ifite abakinnyi benshi yabuze.”

Mu minsi ishize nibwo Arsene Wenger yatangaje ko yari hafi gusinyisha abakinnyi barimo Zlatan Ibrahimovic,Yaya Toure,Lionel Messi n’abandi ariko arabareka kugira ngo abone Cesc Fabregas.

Yagize ati “Nahuye n’ababyeyi ba Cesc mu gihe narimo no kurambagiza Messi na Pique.Twagerageje kubasinyisha bose ariko ntibyakunze twahisemo Cesc Fabregas kandi n’umukinnyi w’igitangaza.

Messi na Pique twababuze kubera ababahagarariye.Kuri Pique yahisemo kujya muri United naho Messi we FC Barcelona yanze kumurekura.Ntabwo nzi niba Messi we yarashakaga kuza kuko FC Barcelona yahagaritse ibiganiro hafi.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza Tuchel yakoze benshi ku mutima kubera ibyo yakoreye umukozi we wo...

Umutoza wa Chelsea,Thomas Tuchel,yakoze benshi ku mutima kubera igikorwa...
17 September 2021 0

Reece James ari guhigisha uruhindu abajura bateye urugo rwe bamwiba...

Myugariro wa Chelsea n’Ubwongereza,Reece James yashyize hanze amashusho...
17 September 2021 0

Abafana ba Leicester n’aba Napoli bakozanyijeho nyuma y’umukino...

Umukino wahuje Leicester na Napoli muri Europa League warangijwe n’intambara...
17 September 2021 0

Volleyball:Nigeria na Maroc zareze u Rwanda gukinisha Abanya Brazil...

Umukino w’ u Rwanda na Senegal mu gikombe cya Afurika cya Volleyball mu...
16 September 2021 0

Cristiano Ronaldo yimutse mu nzu y’akataraboneka yari atuyemo kubera urusaku...

Umunyabigwi muri ruhago,Cristiano Ronaldo n’umuryango we bimutse mu nzu...
16 September 2021 0

PSG ifite ubusatirizi buteye ubwoba yananiwe gutsinda Club Brugge muri...

Ikipe ya PSG ihabwa amahirwe menshi yo kwegukana igikombe cya Champions...
16 September 2021 0