Ikipe ya ASAS Djibouti Télécom yo muri Djibouti yaraye igeze i Kigali, ije kwitegura umukino wo kwishyura mu ijonjora ry’ibanze rya CAF Confederation Cup, uzayihuza na AS Kigali FC ku cyumweru, kuri Stade mpuzamahanga ya Huye.
Iyi kipe yaje yambaye imyenda itukura,yageze I Kigali mu rukerera rwo kuri uyu Gatanu, ku isaha ya saa saba iri kumwe n’abantu 27 barimo abakinnyi 19.
Umukino ubanza wabereye muri Djibouti ku wa Gatandatu, tariki ya 10 Nzeri 2022, warangiye amakipe yombi anganyije (…)

Ikipe ya ASAS Djibouti Télécom yo muri Djibouti yaraye igeze i Kigali, ije kwitegura umukino wo kwishyura mu ijonjora ry’ibanze rya CAF Confederation Cup, uzayihuza na AS Kigali FC ku cyumweru, kuri Stade mpuzamahanga ya Huye.

Iyi kipe yaje yambaye imyenda itukura,yageze I Kigali mu rukerera rwo kuri uyu Gatanu, ku isaha ya saa saba iri kumwe n’abantu 27 barimo abakinnyi 19.

Umukino ubanza wabereye muri Djibouti ku wa Gatandatu, tariki ya 10 Nzeri 2022, warangiye amakipe yombi anganyije ubusa ku busa.

Abazicara ahasanzwe hose bazinjirira ubuntu kuri uyu mukino ndetse biyandikisha banyuze kuri *939# ndetse ni bwo buryo bukoreshwa n’abagura amatike ya VIP agura ibihumbi 10 Frw.

Mu gihe AS Kigali izaba ibashije kwitwara neza mu mukino wo kwishyura ikaba yasezerera ASAS, yazahura na A Nasry yo mu Misiri mu ijonjora rya kabiri.

AS Kigali ikomeje gukorera imyitozo kuri stade ya Huye, izakiriraho iyi ASAS Djibouti Télécom, mu mukino wo kwishyura w’ijonjora ry’ibanze rya CAF Confederation Cup.