Ikipe y’Igihugu ya Afurika y’Epfo yegukanye umwanya wa gatatu mu gikombe cya Afurika cya 2023,nyuma yo gutsinda Repubulika Iharanira Demokarasi ya Congo kuri penaliti 6-5.Amakipe yombi yari yanganyije 0-0 mu minota isanzwe y’umukino.

Sponsored Ad

Mu mukino utabonetsemo amahirwe menshi,ibi bihugu byarangiye iminota 90 binganya,hahita haterwa penaliti cyane ko uyu mwanya batongeraho 30.

Afurika y’Epfo ni yo yateye iya mbere, Teboho Mokoena arayihusha. RDC yakurikiyeho itsinda enye zayo neza Afurika y’Epfo nayo nta yindi yahushije.

Kapiteni wa RDC, Chancel Mbemba yahushije penaliti ya gatanu yari kubaha intsinzi,yakuwemo n’umunyezamu Ronwen Williams, Afurika y’Epfo isubira mu mukino.

Amakipe yombi yongeye gutsinda imwe ku yindi, umunyezamu Williams akuramo penaliti ya Mechak Elia, Afurika y’Epfo yegukana intsinzi utyo kuri penaliti 6-5.

Umukino wa nyuma uteganyijwe ku Cyumweru, tariki 11 Gashyantare 2024, aho uhuza Ikipe y’Igihugu ya Côte d’Ivoire n’iya Nigeria saa 22:00.

Bayer 04 Leverkusen na Real Madrid zashimangiye gutwara shampiyona

Mu mikino yari itegerejwe cyane I Burayi,Real Mdrid itagiraga ba myugariro Bose bo hagati,yanyagiye Girona ibitego 4-0, Bayern Munich itsindwa na Bayer 04 Leverkusen bihanganiye igikombe ibitego 3-0.Aya makipe yakinaga yose yari ahanganiye igikombe cya shampiyona.

Ibitego bya Vinicius Jr,Jude Bellingham watsinze bibiri na Rodrygo,byafashije Real Madrid kunyagira Girona iyikurikiye muri shampiyona.

Real Madrid yashimangiye umwanya wa mbere n’amanota 61 muri Shampiyona ya La Liga imaze gukinwa imikino 24, ndetse ihita inanikira Girona kuko iri ku mwanya wa kabiri ifite 56 na FC Barcelone izigwa mu ntege ifite 50.

Bayer 04 Leverkusen yakiriye FC Bayern Munich bihanganiye Igikombe cya Shampiyona,iyinyagira ibitego 3-0, ihita inayirusha amanota atanu.

Bayern Leverkusen yabonye igitego cya mbere cyatsinzwe na Josip Stanišić, hanyuma icya kabiri gutsindwa na Grimaldo mu gihe icya nyuma cyatsinzwe na Frimpong.

Bayer 04 Leverkusen yashimangiye umwanya wa mbere n’amanota 55 muri Shampiyona ya Bundesliga aho irusha FC Bayern Munich amanota atanu yose.

Shampiyona ya Serie A yakinwe ku munsi wayo wa 23, AS Roma yari yakiriye Inter Milan birangira itsindiwe mu rugo ibitego 4-2.

Inter Milan ikomeje kuyobora Shampiyona yo mu Butaliyani n’amanota 60, irusha arindwi Juventus iri kuwa kabiri. AS Roma iri ku mwanya wa gatanu ifite 38.

Mu Bwongereza hakinwe umunsi wa 24 wa Shampiyona, aho Manchester City yakiriye Everton ikayitsinda ibitego 2-0, byose byatsinzwe na Erling Haaland.

Liverpool yatsinze Burnley ibitego 3-1 byinjijwe na Diogo Jota, Luis Díaz na Darwin Núñez mu gihe kimwe cyinjiye mu izamu ryayo cyatsinzwe na Dara O’Shea.

Liverpool iracyayoboye Shampiyona ya Premier League n’amanota 54 igakurikirwa na Manchester City ya 52 mu gihe Arsenal ifite 49 iri ku wa gatatu.