skol
fortebet

#BAL2022: REG BBC yatangiye yesura Abarabu bazwiho kuba mpatsamakipe muri Basketball

Yanditswe: Monday 07, Mar 2022

featured-image

Sponsored Ad

Ikipe ya REG Basketball Club ihagarariye u Rwanda mu irushanwa rya Basketball Africa League,yatangiye neza itsinda umukino wayo wa mbere kuri iki cyumweru ikipe ya AS Salé yo muri Maroc.
Muri iri rushanwa riri kubera muri Senegal rigahuza amakipe 6 agize itsinda rya Sahara,REG BBC ihagarariye u Rwanda yakuyeho agahigo kabi amakipe yo mu Rwanda yari afite ku yo mu Barabu.
Iyi kipe y’Ikigo Gishinzwe Ingufu mu Rwanda yatunguye AS Salé yo muri Maroke iyitsinda amanota 91 kuri 87.
Mu gace ka (...)

Sponsored Ad

Ikipe ya REG Basketball Club ihagarariye u Rwanda mu irushanwa rya Basketball Africa League,yatangiye neza itsinda umukino wayo wa mbere kuri iki cyumweru ikipe ya AS Salé yo muri Maroc.

Muri iri rushanwa riri kubera muri Senegal rigahuza amakipe 6 agize itsinda rya Sahara,REG BBC ihagarariye u Rwanda yakuyeho agahigo kabi amakipe yo mu Rwanda yari afite ku yo mu Barabu.

Iyi kipe y’Ikigo Gishinzwe Ingufu mu Rwanda yatunguye AS Salé yo muri Maroke iyitsinda amanota 91 kuri 87.

Mu gace ka mbere ndetse n’aka kabiri k’umukino, abakinnyi b’umutoza Liz Mills wa AS Salé bakomeje kuyobora umukino mbere yo kwigaranzurwa na REG BBC.

Abakinnyi nka Alvaro Masa, Abdoulaye Amadou, Soufiane Kourdou, Terrell Stogglin na Zakaria El Masbahi bagoye REG BBC muri utwo duce ariko iyi kipe yo mu Rwanda iza kugaruka mu minota ya nyuma itsinda umukino.

Mu duce tubiri dusoza, umutoza wa REG Basketball Club Umunyamerika Robert Pack yahinduye umuvuno, yubakira umukino kuri Adonis Filer na Jean Jacques Wilson Nshobozwabyosenumukiza ahagana inyuma, hanyuma ashishikariza Anthony Walker na Thomas Cleveland kongera amanota.

REG Basketball Club izakina umukino wayo wa kabiri ku wa gatatu tariki ya 9 Werurwe 2022 guhera i saa moya n’igice z’umugoroba ku isaha y’i Kigali, ikazahura na Seydou Legacy Athletic Club (SLAC) yo muri Guineya. Iyi SLAC na yo yitwaye neza mu mukino ufungura itsinda Dakar Université Club (DUC) ihagarariye Senegali amanota 85 kuri 70.

Amakipe 6 yo mu itsinda rya Sahara ririmo gukinira i Dakar muri Senegal:

REG Basketball Club (Rwanda)

US Monastir (Tuniziya)

DUC (Senegali)

SLAC (Guinea)

AS Salé (Maroc)

Ferroviario da Beira (Mozambique)

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa