Nyuma y’imikino y’amakipe y’ibihugu, Shampiyona z’i Burayi zarakomeje mu mpera z’icyumweru gishize, aho amakipe menshi akomeye yakoze ibyo yari yitezweho.

Sponsored Ad

Mu Bwongereza bakinaga Umunsi wa Munani wa Premier League waranzwe no gutakaza kwa Arsenal, aho yatsinzwe ibitego 2-0 na AFC Bournemouth.

Kera kabaye, Manchester United yabonye amanota atatu, nyuma yo gutsinda Brentford ibitego 2-1 bya Alejandro Garnacho na Rasmus Højlund.

Indi mikino yabaye ku wa Gatandatu, Tottenham yanyagiye West Ham United ibitego 4-1, Aston Villa imeze neza itsinda Fulham ibitego 3-1, Everton itsinda Ipswich Town ibitego 2-1.

Ku Cyumweru, hari hatahiwe amakipe arwanira igikombe, maze ku munota wa nyuma, John Stones atanga intsinzi kwa Manchester City, itsinda Wolves ibitego 2-1.

Mu mukino w’umunsi, Liverpool yatsinze Chelsea ibitego 2-1, ifata umwanya wa mbere n’amanota 21.

Ikurikiwe na Man City ifite 20, Arsenal yasigaye ifite 17 ku mwanya wa gatatu, inganya na Aston Villa ya kane.

Chelsea iri ku mwanya wa gatandatu n’amanota 14, mu gihe Manchester United ku wa 11 n’amanota 11.