Ikipe ya APR BBC yatsinze REG BBC umukino wa kabiri wa kabiri wa Plaoffs amanota 65-60 mu gihe ikipe ya Patriots nayo yatsinze ikipe ya Kepler BBC umukino wa kabiri amanota 107-68 ziyongerera amahirwe yo gukina umukino ya nyuma.

Sponsored Ad

Ku mugoroba wo ku cyumweru tariki 1 Nzeri 2024 nibwo iyi mikino yabaye ,ibera muri Petit Stade imbere y’abafana bari benshi.
Ikipe ya REG BBC yashakaga gutsinda umukino wayo wa mbere nyuma yo gutsindwa umukino wa mbere na APR BBC amanita 92-91 ikinyuranyo cy’inota rimwe.
Agace ka mbere karangiye REG BBC iyoboye n’amanota 11 ku 10 ya APR BBC.
Igice cya mbere cyarangiye REG BBC iyoboye umukino n’amanota 31 kuri 27 ya APR BBC.
Mu gace ka Gatatu ,ikip ya APR BBC yatangiye gukanguka igabanya ikinyuranyo ,aka gace karangiye hasigayemo amanita atatu ,REG BBC iyoboye n’amanota 45 kuri 42 ya APR BBC.
Mu gace ka nyuma, ikipe APR BBC yatangiye kurusha ikiep ya REG BBC binyuze, Isaiah Miller na Nshobozwabyosenumukiza uyu mukino warangiye ari amanota 65-60, REG BBC itakaza umukino wa kabiri.
Undi mukino wahuje Patriots yatsinze Kepler amanita 107-kuri 68, Kepler BBC nayo itakaza umukino wa kabiri.
Umukino wa Gatatu, uteganyijwe ku Cyumweru, tariki 4 Nzeri 2024.
Patriots BBC izakira Kepler BBC saa kumi n’Ebyiri, mu gihe APR BBC izakina na REG BBC saa mbiri n’Igice. Imikino yombi izabera muri BK Arena.
Mu gihe ikipe Patriots BBC na APR BBC zatsinda iyi mikino, zizabona itike yo gukina umukino wa nyuma wa kamarampaka.