Ikipe y’Igihugu y’Abagore muri Basketball yatsinzwe n’iya Mali amanota 90-87 mu mukino wa mbere wa gicuti, aho iri kwitegura amajonjora y’Igikombe cy’Isi.

Iyi kipe imaze iminsi muri Mali aho yagiye kwitegurira imikino y’ijonjora ry’ibanze yo gushaka itike y’Igikombe cy’Isi mu Bagore (FIBA Women’s Basketball World Cup 2026 Pre-Qualifying Tournaments), iteganyijwe kubera i Kigali kuva tariki 19 kugeza 25 Kanama 2024 muri BK Arena.

U Rwanda rwatangiye neza uyu mukino aho agace ka mbere karangiye ruyoboye umukino n’amanota 20 kuri 18 ya Mali.
Bakomeje gukina neza no mu gace ka kabiri ari nako yongera ikinyuranyo kigera mu manota 15 icyizere cyari cyiri hejuru.

Igice cya Mbere cyarangiye, u Rwanda rwatsinze Mali amanota 52 kuri 37.
Ikipe ya Mali yagarukanye imbaraga mu gice cya kabiri itangira kugabanya ikinyuranyo ari nako benshi mu bakinnyi bayo batsindaga. Agace ka gatatu karangiye iyi (71-64).
Mu gace ka nyuma, u Rwanda rwitwaye nabi, Mali ikuramo ikinyuranyo cyose ndetse inatsinda umukino ku manota 90 kuri 87 y’u Rwanda.

Mu mikino yo gushaka itike y’Igikombe cy’Isi, u Rwanda ruzakira itsinda rya gatatu n’irya kane, aho ruri kumwe na Great Britain, Argentine ndetse na Lebanon.
Ni mu gihe, Ikipe y’Igihugu ya Mali yo iri mu itsinda rya mbere rizakinira muri Mexique, aho iri kumwe na Repubulika ya Tchèque, Koreya y’Epfo na Venezuela.